احبه .. بس ..!!

السلام عليكم

كيفكم بنات ان شاءالله بخير

بنات بختصار شديد انا عمري 22 سنه متزوجه صارلي 4 سنوات من ولد عمي وعندي 3 اطفال..

بنات انا امووووووت في زوجي واحبه وهو الحمدلله مو مقصر علي بشي..

4 سنوات الحمدلله كنا احلا اثنين بهالدنيا بس من اربع شهور مدري وش صار لنا كا يوم هواااش ..

كل يوم مشاكل ..

والمشكله ان المشاكل اغلبها اذا موكلها مني .. صرت اهاوشه بدون سبب .. صرت اغلط عليه .. صرت اجرحه وانا اللي ماعمري جرحت احد صرت اجرح اغلا الناس على قلبي .. صرت اغلط على اهله وعلى امه مع اني كنت احبها واحترمها وربي يابناااااااااااااات اني اكتب لكم وانا منهاااااااااااااااااااااره من البكي..


تخيلووو زوجي اللي من يوم ماخذيته صارلنا 4 سنوات مامد ايده علي ولا يفكر انه يمدها خلال 4 شهور ضربني 4 مرات انا موزعلانه منه انه عورني لما ضربني بس هو معه حق كلامي صاير سم .. بس وربي مو بيدي .. والدليل انه لاتهاوشنا وخلصنا اقعد ابكي و اقوله انا احبك بس احس هالشي مو بيدي .. شي اقوى مني ..

تخيلو كان مايحب طاري الطلاق حتى لو مزح الحين صار دايم يقول اذا ماتعدلتي بطلقك او بتزوج عليك .. واخرتها اليوم ..

بناااااات وربي صرت اتخيل بأي لحظه انه بيطلقني فعلا" او بيتزوج علي ..

صرت اتخيله فعلا" معرس لابس بشت

صرت بس اناظر فيه واتخيله مع وحده ثانيه .. يضحك معها .. يسولف معها .. ياكل معها .. يروح معها .. يجي معها ..


وربي اموووووووووووووووووت لو يصير هالشي ..


وربي بنات احسه صار يكرهني ويكره يجلس معي .. انا احبه وصارتلي مشاااااااااااكل علشان اتزوجه ..

بنات تكفون ساعدوني ..

مره من المرات تهاوشت وياه و طلعت لما رجعت له قلت له اسمع نبض قلبي فسمعه و كان ينبض بسرعه مره قال انتي فيك بلاء

احس نفسي مو طبيعيه احس اني مو (حورية الدعوه) اللي قبل وربي احس نفسي شخص ثاني ..

ادري كلامي مو مرتب بس اعذروني نفسيتي دماااااااااااااااار ..

بنات انا احبه واحب اكشخ له واهتم بنفسي عنده .. دايم احب اطبخ له واتفنن له .. احب اهتم فيه واشتري له هدايا والاغراض اللي هو يحتاجها حتى لو ماطلب مني .. احب ارتب غرفتي واغيرها دايم .. دايم ابخر البيت واعطره .. بس هذا كله مايشفع لي عنده ..

لانه وربي صار يكرهني انا احس من نظراته .. من كلامه .. كل ماجيت عنده ابسولف معه وهو عالنت قال ترا انا مشغول يعني افهميها واطلعي :44:

هو وربي مو حااااااااااس فيني مايدري اني اموت باليوم 100 مره صرت اعيش بخوف .. ماعاد احس بالامان لانه ممكن بأي لحظه يقولي انا ( طلقتك ) او ( بتزوج عليك ) المشكله انه لو فكر بس الف وحده تتمناه .. وانا اللي بعيش باقي عمري بحسره وحزن :(
بنات انصحوني وادعولي انا فعلا"محتاااااجه احد يرشدني

لو تزوج علي او طلقني وين ارووووووووووووووح قولولي

الحياه صعبه وكلن همه نفسي ..

انا احبه بشكل جنوني واغااااااار عليه موووووووووت

حتى هوملاحظ يقولي انا اعرف انك تحبيني بس ماتوقعت انك تحبيني لهالدرجه يقول انا مدري وش انتي شايفه فيني :(

يارب ارحمني برحمتك انا في هم مايعلمه الا الله