احبه وظلمني وطلقني

اكتب لكم وانا دمعتي على خدي والله والله يابنات هموم في داخلي عذبتني
"
قلبي مجروح من الإنسان الي كنت احبه بقول حياتي من زواجي لحد متفارقنا
اول ماخطبني زوجي قالنا انه شغال في المستشفى وخالتي تشتغل بنفس المستشفى سأل ابوي عنه واثنو عليه الناس الي يعرفونه وانا سألت خالتي ومدحت فيه وانه مدير قسم واي بنت عنده ماهي بكامل حجابها او حجابها ماهو واسع مايحظرها
ومتشدد والبنات الي عنده يمدحون فيه ويمنع اي كلام خارج إطار العمل
،
اعجبتني شخصيته ومدح الناس فيه ووافقت وصارلي متزوجه من اربع سنوات
معاي طيب وحنون ومايقصر بشي وسعيده معاه
*
*
بس للأسف طلقني طلقني طلقه واحده وانا حامل ومعاي بنت عمرها 3 سنوات
سبب مشاكلنا اخته اخته هذي غيوره حسوده قلبها اسود كنت جالسه مره عند ام زوجي وهي كبيره بالسن وقالت لي لو رحت عند فلان احسن تقصد اخو زوجي لان حنا ساكنين شقه وهي تبغا حوش وشمس وهوا واخو زوجي عنده حوش وسيع
*
*
بعدها بيومين كنت جالسه انا وزوجي واخته اخته هذي متزوجه قبل 3 شهور وتجي كل خميس وقلت لزوجي لو توديها عند اخوك احسن عشان تشم هواء هي تحب الحوش وتحب السعه انا كنت اقصد راحتها زي ماقالت امه لي قال زوجي لا انا لو تبي اطلعها كل يوم
*
*
ام زوجي فيها سكر ولازم تاخذ ابره صباح ومساء وكانت بنتها تعطيها الابره وبعد ماتزوجت صار زوجي هو الي يعطيها الابره بعدين علمني كيف اعطيها الابره وصرت اعطيها وإذا ماهو موجود يوصيني
قبل اسبوعين وبداية مشكلتنا كان العصر قالي بتأخر لاتنسين ابرة امي قلت زين نمت من بعد المغرب الى الساعه 9 ونسيتها ونشغلت مارحت لغرفتها جاء هو الساعه 11 وحصلها مغمي عليها مرتفع عليها السكر وسألني قلت نسيت عصب وطقها وخذها على المستشفى ومصار شي لحد مجات اخته قالتله هي تمنى تذبحها وتبغا فرقاها تسمعها ذاك اليوم تقول ودها عند اخوي ورجع لي وطلقني وقال اقلبي وجهك مابغا اشوفك هذا الي صار معاي ارسلت عليه وحلفتله وسوالي حظر
قابله ابوي يوم السبت الماضي وكلمه بالموضوع وقال انا رايح دوره شهر لاجيت يكون خير من دون مايبين اي شي قال لاجيت يكون خير
مدري هو بعده مصر على الطلاق ولا ايش يدور في راسه انا مابعد فقت من الصدمه لحد الان حبيته وقلبي معلق فيه رغم انه ظلمني وطردني وتفكيره اني ماعطيت امه ابرتها بتعمد مني
الي ماعندها شي تقوله يريحني تكفيني دعوتها
الي عرفتني من خلال موضوعي الله لايحللها ولايوفقها إذا انطقت بحرف عني