الله يفرج لك و لي
قومي الليل وادعي
الله يرزقه حبك ويسخره لك
وبعدين انتي حامل ولك ظروفك الصحيه

ادا في احد تثقين فيه يكلمه ويفهمه انه ظلمك من غير مايحس انك ارسلتيه
يعني يكلمه احد غير ابوك واخوانك

حبيبتي تعقيبا على كلامك
حتى لو هي تبغى تروح لاخوها اللي عنده حوش خليها براحتها
المفروض انت ماتقولينها
ليش؟؟؟
لان غالبا زوجة الأخ يكون الظن فيها سيّء
خلي الموضوع بينهم افضل
المهم انت قلتيها بحسن نيه وقدر الله وماشاء فعل
واللي ظلمك مراح يتهنى
امسحي دمعتك الغالية وتمسكي بالله عزوجل ودمعتك لاتنزل الا لله عزوجل في سجودك
بثي شكواك لله وطلعي كل اللي بقلبك


الزمي الاستغفار والدعاء


واستخيري
الله يجبر كسرك

انا اعندي شك فنيتك لكن بصراحه لا تلومين زوجك ولا اخته
ادري انه مو نيتك اللي فكرا فيه لكنك غلطانه
واهمال منك وسوء تدبير هو اللي جابلك الكلام


يعني من المغرب لين ١١ مافكرتي تطلين عليها !
مافكرتي تشوفين تعشت ماتعشت !
اوكي نسيتي الابره بس ماطليتي عليها ماجا فبالك
تسألينها تبغين شي خاصه انها مريضه سكر يمكن ينزل عندها تحتاج شي حالي !
انا ماني عارفه طبيعة حياتكم عندها شغاله هي علشان كذا اعتمدتي ع الشغاله ونسيتي الابره ؟


لان بالنسبه لزوجك خاصه انه اذا طلع من البيت
وموصيك على امه ولا تطلين عليها مو ساعه ولا ساعتين
من المغرب لين يرجع هو ويذكرك هذا شي يزعل صراحه
حتى لو مافكر انك متعمده !


انا مااتوقع انه بيطلقك لانك يبي يأدبك شوي
مالك الا تستنين زي ماقال شهر وتكثرين من الحوقله والاستغفار والله يفرجها ان شالله
هو مقهور على امه حاليا واحمدي ربك ماصار فيها شي
كان رحتي فيها

الحين انتي فبيت اهلك وهوو مسافر
طييب امه عند من
مين اللي يراعيها ويدق لها ابرتها




خليك قويه وجمدي قلبك


انا ضددد اللووم على شي صار خلاص وعدى على خير الحمد لله
اكيد انك لمتي لنفسك وعذبتيها لمن قلتي بس


المهم الحين ارتاحي فبيت اهلك
ولاااا تحسسينه انك تجرين وراه
انتبهي لنفسك ولبنتك وللي في بطنك وبس


اكيد قال كلمته بساعة غضب وندم عليها
لكن صعب يعترف


لمن يجيك بيرجعك ان شاء الله اشرررطي عليه انك مالك شغل ولا عليك مسؤوليه بدواء امه
وتحججي انك تنسين وذاكرتك ضعيفه تخافين من المسؤوليه وبس


وسوي لها اللي تبغى بس خلييك حرييصه بكلامك وتصرفاتك


والله يوفقك ويبرد على قلبك