احبه ولكن ايش سبب خيانته؟؟؟

صباحكم / مسائكم خير وبركة من رب العالمين
اخواتي انا محتاجتكم سعدوني والي يسلمكم
لي سنتين في العذاب والله تعبت وربي تعبت مريت بكل شي انهيرات تعب مرض جسدي ونفسي
لولا ان الدكاتره النفسيين اسعارهم جدا مرتفعه ولا كنت رحتلهم من زمان
انا وحيدة والدي وماعندي لا اخوات ولا اخوان وللاسف ماعندي احد استشيره ولا احد يقدر يساعدني
يعني بالعربي وحدي مالي غير رب العالمين ثم انتم لا تضيعون رجاي فيكم
قصدي بااختصصار. زوجي من بعد اسبوع من زواجنا اكتشفت علاقته مع وحده جدا سمعتها سي في القريه الي اهله فيها
وجلست شهر عسلي ببيت اهله بحجت ان رمضان لاني تزوجت قبل رمضان ب5ايام تقريبا
ماهان عليه تخيلو نروح بيتنا لان اهله ساكنين في قريه ونحن بيتنا في المدينه
تخيلو مايجلس معاي ولا شي يجي بس وقت النوم ع قريب الفجر وهاد الي خلاني اشك فيه
لا انه جالس معي ولا انه جالس مع اهله طوال الليل برى
فتشت جواله بعد اسبوع تقريبا لقيته يراسلها ويقولها انه يحبها وهي تتغزل فيه وتقوله مين حضر زواجك وماادري ايش.........
جاني انهيار عصبي كان نفسي ارجع بييت اهلي وارمي نفسي في حضن اي احد من اهلي جدتي او بابا لكن بابا مريض جدا وجدتي اكثر منه مااقدر اصدمهم كدا بذات انهم جدا فرحو بزواجي
دخل علي وانا ماسكه جواله وشافني شفت الرسايل ماكان بيدي غير اني ارمي نفسي في حضنه وانهار بالبكي لين اغمي علي مو مصدقه كل تفكيري نظرت اهلي لي مطلقه بعد اسبوع ماهمني كلام الناس بس جدتي وبابا لو صرلهم شي
ومرت الايام وانا اشوفه ع حاله واطنش مو عارفه ايش بيدي اسوي من وقتها وانا ناويه ع الطلاق بس كيف ؟"
مرت سنه وخلال هالسنه دخلت اهله في الموضوع و وضحتلهم انه لو ماقطع علاقته فيها راح اطلب الطلاق وبعد محاولات ومشاكل وبلاوي وقرف تركها وتاكد من هالشي بتصرفاته وحملت وفرحت بحملي بس مع النفسيه السي جدا جدا لاني مو مقتنعه بالي صار وتعبت كثير وانا اسوي له كل شي وبالاخير زوجي وحبيبي متعلق فيها ويقابلها لدرجه اني بست رجله ان يتركها وهدي اكبر غلط لي في حياتي والغلطه الي اكبر والعن اني اضفت شباب في جوالي وصرت ارسلهم يوم واليوم الثاني خليته يشوف الجوال بالعنيه من غير مااوضحله اني قاصده عشان اخليه يحسس بمعني الخييانه والغدر وهدي اكبر مصيبه سويتها وكل ماافتكرها ينحرق قلبي كيف انزل مستواي كدا طبعا لمن عرف ضربني قدام اهله واهانني وطلقني وبعد ثلاث ايام بمساعدت اهله رجعني كل هدا وانا عند اهله اضهظت ولا حظت زعله الشديد من ذا الشي وصدمته ولمن سمع خبر حملي فرح جدا
ولحظت طيبت قلبه بذات مع اهله خلاني هالشي احترمه لان الي فيه خير في اهله في خير من جواته
فررت اكسبه لكن لحظة ان في شي غريب بتصصرفاته واعرفت انه متعرف ع وحده من قبل زواج ب3سنين تروح وترجع عرفت انها بمدينه قريبه من القري وانصدمت وانها الحقيره تواعده عشان يتقابلو وكلمتها وتحلف ماكانت تعرف انه متزوج ترجيتها تتركه وبكل بري صدقتها وصدقته ولين لليوم تكلمه واحتمال 90%تقابله وات قع دخلت بييتي كمان لانه احيانا يصر اني اروح عند اهلي رغم اني ارفض وبيت اهلي بمدينه بعيده عن مكان بيتي ولحظت تغير في البيت
والحين حملت وفي الشهر الخامس وخلاص اكتفيت كان حملي اخر امل انه يعققل بس ماتغير بالعكس زاد تعرف ع بنات اكثر وصار حتي مايعاشرني اسفه ع الجراءه بس يهتم فيني بالكلام تخيلو يتركني بالبيت ويخرج يجلس بالساعات بالسياره عشان يكلمها لا وصار له جوال سري كمان تعببت ابغي اطلق كيف ايش اسوي والله تعبانه كل الي يشوفني يقولي كانك ورده ميته خلاص ندمااااااااانه اني سمحته كل هدا والله ندماااانه اني فكرت في غيري ومافكرت في نفسي دلوني ايش اسوي والي يخليكم ويسعدكم ايش اسوي