احبوا موت وزوجي يغار منوا ساعدوني بنات ..

السلام عليكم ..
كيفكم بنات عندي مشكلة الي شوفها صغيرة بس عندي كبيرة ..
انا لمن كنت بنت كنت احب واجد ابن اخوي لانو ساكن معنا كنت انا الي مشرفة عليه العب معاه اطعميه اشتريلوا حتى لمن يمرض انا اجي واقرأ عليه قرآن واقعد جنبوا لان اموا مايطيقها لما يمرض عشانها ماتصبر عليه .. وهو ماشاء الله عليه شطور وحركي ..
واتزوجت وبيوم زفتي وانا لا بسة فستان الفرح بغيت اصور معاه بس مادري خاف مني وراح واموا تشمتت فيني استغفر الله .. وبعدها ماشفتوا للحين لاني سافرت الى بريطانيا مع زوجي تدرون يوم اجيت بودع اهلى اكثر بكاي عليه وانا اصيح لامي ليه مااشوفا لان امو كانت عند اهلها ومارضت تجيبا لي واخوي مسافر كان .. ومافي وقت صرت انفتفض من العبرة والبكاء قطعت قلب اهلي واقولهم ايش ضمني اني اعيش لحين ماانزل ليكم مرة ثانية .. ورحت للمطار والدمعة بعيني وقلبي بيطلع مني واشوفه قدامي وين مارحت ويناديني منة منة ..
المهم الي 7 اشهر تقريبا بالغربة ولازلت اموت عليه :( مافي يوم الا اشوفا بالمنام والي قالقني اني اشوفه بكثرة يعني اكون قريب احضنوا ومااوصل بيه او احضوا واظل ابكي لحين مايصحيني زوجي .. بصراحة اشوف نظرات من زوجي مو مصدق هالحب دا كلوا لين غار منوا .. ومو قادر يسويلي شئ صار كلامي لوا عنوا ولما اخابر الاهل يجيني ويكلمني متى ترجعي انا اصير ادمع وبخبي على زوجي ..
بنات بجد قلبي تقطع .. ماعاد قادرة احتمل يقولون لي ربنا بيرزقك ان شاء الله بالحمل وتنجبين احسن منوا اقوم ازعل نهم واقول لا هدا ولدي واحسن بعد منهم ..
لدرجة اخدت كلمة من زوجي قلتلوا ادا اجتني بنت وافق الحين من انك تزوجها الوا وصار يضحك:hahaha: وانا جدية قتلوا وافق قالي خلاص ان شاء الله بوافق بس هو يرضى علينا ..
انا بشتغل ومااخلي نفسي بالفراغ ومع هذا كل مااشوف شئ اشتريه الو او طفل يذكرني بيه ..
هل انا طبيعية او عاطفتي زايدة عن اللزوم ..
ساعدوني وشو اسوي وخصوصا اني برجع للبلد بعون الله بشهر تسعة الجاي ..