اختي فاطمه ــ انا كمان زيك بس كان عندي كيس علي المبيض كان عاملي التصاقات كتير ـوده من سنتين وطلع نفس الكيس تاني وعملت منظار تاني من شهرين ولسه محصلش حمل بس الدكتور اللي عملي المنظار المره التانيه ثقه واحسن واشطر من الاول اللي كان بيتعلم في دلوقتي انا وانتي ننتظر هبه الله وكرمه لنا بس عاوزه اسآلك الالتصاقات دي جتلك منين وعملتي المنظار عند مين وربنا يريح بالك وبالي يارب

هلا عيوني فاطمة ...عظم الله اجرك في الوالدة واسكنها فسيح جناته انشاالله ونحن هنا اخواتك لك انشاالله ...
عزيزتي ممكن اعرف ان تقصدين التصاقات في الانابيب فالوب ام المبايض ؟؟وماسبب ضعف المبايض لديك اذا كان الطبيب شخص حالتك من قبل ؟؟وهل كنت تعانين من تكيس وزيادة في الوزن وشعرانية ؟؟هل كنت تعانين من التهابات مزمنة في الحوض؟ام كنت تعانين من البطانة المهاجرة الاندومتريوسيس....انتظر ردك

اختى الغاليه فاطمه
البقاء لله وربنا يصبرك فقدك للوالدة...حبيبتى ان مع العسر يسر وان شاء الله ربنا يرزقك الذريه الصالحه
شكلك مصريه صح ولا غلط؟؟؟

حبيبتي سلسبيل
انا حالتي مش فاهمه اصلا لاني مش عارفه سبب الالتصاقات وكنت وانا بنت عامله عملية فتاق في البطن وحصلت مضاعفات يمكن ده السبب الله اعلم بس انا معنديش تكيس ولا حاجه بالمبيض ولكن الالتصاقات كانت حول الميضين وحول الانابيب ومعنديش اي التهابات بالحوض ولكن ممكن تكون البطانه الرحم عندي لاني ذي ما قلتلك كان فيه ذي قطن في تجويف الرحم الدكتور بيشيله وسببب ضعف المبايض معرفلوش سبب والحمد لله بستجيب للمنشطات ارجو اني اكون افادتك وتردي عليه .
اخواتي في الله متشكره جدا على ردكم وانا فعلا مصريه
وعملت العمليه في مصر وعند دكتور الحمد لله اثق فيه ولاني برده عملتها قبل كده بحوالى سنه ونص بالكويت والدكتوره يدوب اتفرجت وخرجت ومعملتش اكتر من كده يلا منها لله

اللهم ارزقنا جميعا بالذرية الصالحه المعافاة ويكونوا من حفظة القران والعاملين به

فينك سلسبيل