احب السليق ولا اعرف اسويه احد يساعدني ؟؟؟

ينقل لاطباق عالم حواء

السلام عليكم ورحمة الله وبركاته ....

السليق افضل اكله عندي مررررررررررة احب اسويه دائما

وهذه الوصفه :

المقادير :

1دجاج

رز ( انا افضل استخدام الرز المصري صنوايت ) حسب الكميه بس اول شي جريب مقدار كاسه او كاستين لان الكميه راح تزيد مع الطبخ .

ماء ( الكميه على حسب الحاجه )

ملح

حليب "(10 ملاعق حليب بودره + ماء )

قليل من الهيل

الطريقه :

1- اسلقي الدجاجه وضعي عليها 5 حبات هيل غير مطحون .

2- صفي الدجاج وضعيه في صنيه ثمضعي حلقات1بصل و 1 فلفل فوقها , و ضعيها في الفران , و خذي المرقة وصفيه من الهيل .

3- ضعي الرز في قدر كبير واضفي عليه المرقه الباقيه وكميه كثيره من الماء وملعقه من الملح ثم حركي الرز جيداً .
ملاحظه ( كل ما نقصت كمية الماء والرز ولم يصبح ذائب "سائل" اضفي عليه ماء الى ان يستوي بس بشرط مايكون الرز يوجد به حبيبات ظاهره وخذا دليل على الرز جاهز لاضفت الحليب) .

4- عند نضج الرز تماما واصبح الرز سائل اضفي الحليب مع نصف ملعقه من الهيل المطحون .

5- قديم السليق في طبق واخراجي الدجاجه وقدمها في طبق بجانب السليق .

بالهناء والعافيه ...

اذا عندك اي سؤال انا حاضره في وقت ...

اختك

amoonah

اختي الماجي تحطه على شان يعطي الرز طعم بس ..

اختي الساحل الشرقي لك طريقة السليق مضبوطه .. ميه ميه .. وادعيلي اذا سويتيها ..

المقادير
دجاج على حسب الكميه ونفرض دجاجتين مقطعه انصاف ..
ارز صنوايت ( الرز المصري ) ونفرض كميته كاسين
بصل مقطع اربعه
بهارات حب ( يعني بهارات مو مطحونه على شان لاتسود ماء السلق ) لان السليق ابيض صافي
وطبعا البهارات هي ( عودين قرفه - ورق غار - زنجبيل اعواد - والهيل )
حليب سائل من ( كاستين الى ثلاثة )
ملح ( ملعقه ونص الى ملعقتين )
زبدة ( اصبع مقسم بالنصف )
مستكة ( اربع حبات )
زيت لتحمير الدجاج بالفرن

الطريقه
بعد تقطيع الدجاج وتنظيفه يوضع بقدر على النار وتوضعي عليه البهارات الحب والملح والبصل وتكون البصله مقطعه اربعه فقط طبعا هذا كله على شان يشيل الزنخ اللي بالدجاج .
تسليقيه لمدة نصف ساعه طبعا الين ماينضج الدجاج ممكن ربع ساعه على حسب وزن الدجاج ونوعيته
اذا استوى تشيلينه من النار وتاخذي الدجاج وتحطيه بصينيه ممكن تدهنيه بصلصه وممكن ترشي عليه شويه بهارمطحونه وفلفل اسود وطبعا الطريقة اللي انا اسويها ادهنه بزيت واحمره بالفرن من اعلى ..
طبعا تاخذي موية السلق بعد تصفيتها وتحطينها على جنب ..
بعد غسل الرز وتنقعيه لمدة نص او ربع ساعه
تضعيه بقدر نضيف وتصبي عليه ماء السلق اللي صفيتيه واذا غلى تقصري عليه النار وتخليه ينسلق الين ماينضج
طبعا اذا خلصت موية السلق وهو مانضج زيدي عليه ماء مغلي يعني تصير حبتة مستويه مرره ..
طبعا اذا استوى خلاص تجيبي حليب السعوديه او اي حليب تفضليه وتصبيه على الرز وهو يغلي وتحركيه ..
الين مايصير القوام ثلاث ارباعه سائل وربعه صلب طبعا قبل ماتطفي عليه النار خذي الزبده نصف الاصبع وحطيها معاه وحركيه ..
والنص الاخر حطيها بقدر صغير ثاني ودقي المستكه ( يعني ماتخليها بكبرها ) اطحنيها وحطيها مع الزبدة اذا غلت )
وممكن تضيفيه للرز كمان وتحركي او تحطي الرز بصحن التقديم وتضعي قطع الدجاج فوقه وترشي الزبده والمستكه على الوجه .


وبالعافيه ..