احب العريكة والعصيدة والحنيني والحيسة ابي طرقها

اممممممممممممممممم شوفي عندي طريقه عريكه بس رروعه وهي تخلطين الطحين
بمنقوع التمر بدل المويه اتمنا اني افدتك

ينقل لاطباق حواء

الله يعينك عزيزتي على الوحممم
ويقومك بالسلامةة
بالنسبة للعريكة مافي أحلى من عريكة عزيزززززززززززززززززززة
تجننننننننننن وأنا خلالاص أعتمدتها عندي
تلاقينها في هذا الرابط :

لمحبي العريكة والمعصوب وبالصووور


أما العصيدة فماأدري تقصدي عصيدة أهل الجنوب اللي بالمرق
وإلا عصيدة التمرررر

شوفي العصاايد هذي بالتمررر وشكلها يهههبللللللللل للأمانة لسا ما جربتهاااا
بس يمدحونهااا



عصيدة {عروس الشمال حايل} سهله ولذيذه
المقادير:-

2 كوب تمر منزوع النوى ويفضل
التمر الطري
1 كوب طحين اسمر
2 الى 3 ملعقة سمن بلدي حسب الرغبه
2 كوب ماء + نص كوب ماء بارد


الطريقة:-

ضعي التمر و2 كوب ماء في الخلاط الكهربائي (خلاط الكاس) الى ان يذوب التمر بتمام ثم ضعي التمرفي قدر على نار هاديه 0 بعد ذلك ضعي الطحين الاسمر ونص الكوب ماء البارد ونخفقه بواسطة الخفاقة الكهربائية (خلاط الكيك ) الى ان يصبح الطحين سائل ليس فيه كتل 0 وبعد ذلك نضع الطحين المخفوق على التمر ونحرك المزيج الى ان يغلي ويصبح المزيج ثخين0 ثم يترك على نار خفيفة لمدة ساعة 0 وبالنهايه نضع العصيدة في طبق التقديم ثم نحمي السمن ونضعه على وجه العصيدة وتقدم مع القهوه وبالعافية 0






(((((( عصيدة )))))) ولا احلى .. جربوها
عصيدة ولا احلى .. جربوها .. بنات .... وهذي طبعا من الاكلات او الحلويات الشعبية...

المقادير .....
كوبين طحين كوب سكر .. او اقل من كوب بشوي .. حسب الرغبة
ماء مغلي
كوب دهن
ملعقة شاي هيل
ملعقة شاي حبة حلوة (الشمار)
ملعقة طعام نارجييل... (جوز الهند مبشور او مطحون)
..... طبعا هذي طريقة شوي مطورة عن طريقة جدتي ....
.....
الطريقة:
حمري الطحين .. وخليه لين يحمر .....ثم انخليه وخليه يبرد...
جيبي قدر ثاني وحمري السكر حتى يحمر ...بعد ما يذوب ويحمر .. صبي فوقه الماء ...
تقريبا ثلث القدر .....
ثم حطي الطحين في خليط الماء والسكر .. بس بشويش .. يعني بالراحة .. وحركي بالملعقة .. وحركي .. وحركي .. وخلي عندك ماء حار .. صبي بالقدر كل ما حسيتي ان العصيدة انشفت ....
اعصديها .. ان شفتيها تماسكت .. حطي الدهن ... والهيل والحلوة والنارجييل ...
واعصديها ......
حطي شوي بصحن .. وخليها تبرد شوي بس .. ان جمدت ... وتماسكت .. يعني انها انضجت ...
حطيها علىطـوة .. ونار هادية .. خليها ربع ساعة ... وبس....
ولما تقدمينها .... حطي عليها دهن .. مثل الهريس يعني .....
وكل حاجة مفهومة.....
بس لازم تجربونها .. لذيذة .. وخاصة بالشتاا مع القهوة

لا تنسون تعطوني النتيجة

وبالهناء والشفاء





هذي عصيدة الخفااايا بس بمقاادير أم عزيزااان ....
ومقادير الخفايا كانت كثيره لكن انا عملتها من 3 كاسات

والمقادير هي :

3 كاس طحين ابيض كويتي

5 فنجان قهوه تركيه سكر

اشوي زيت ( يعني 4 ملاعق بس )

8 وربع كاس ماء

الطريقه

نحمر الطحين لما يصير اشقر وراح يطلع معاج طحين احمر وصفيه عن تكتلات الطحين وخليه يبرد اشوي

بعدها نذوب الطحين في نص مقدار الماء ونخليه على جنب

نحمر السكر ونحط عليه باقي الماء ونحط الزعفران والطحين والهيل والزيت وخلطيه زييين لما يتجانس وخليه على نار هاديه وانتي تخلطين لما ينشف مائها وتصير عندج مضبوطه

وتراها كثيييييييييييير لذيذه جربيها تجنن