السلام عليكم ورحمه الله وبركاته
اخواتي نفسي افضفض احس الدنيا ضايقه فيني
وحالاتي حاله ومقهوره ليش الناس تحسد وتحقد وتكيد
وش ذنبي وذنب زوجي وعيالي وليه نكون نحن ضحيه مجتمع قاسي
والله يابنات انا واعوذبالله من كلمه انا انسانه جدا عاديه ومرحه واجتماعيه والحمدلله علاقتي بزوجي حلوه وزوجي ملتزم ويخاف الله فيني والكل يدري بعلاقتي بزوجي ودائما اسمع عن ضرب الامثال بعلاقتنا وهذه نعمه من نعم الله علينا
قصتي تزوحت وانا صغيرونه يعني دلوعه وزوجي تحملني لااعرف اطبخ بس كنت حرمه ممتازه ببيتي ولله الحمد وبعدفتره حملت وسقطت وبعد فتره حملت وتعبت والحمدلله ثبت وولدت وجبت ولد زي القمر
وكانت فرحتنا لاتوصف وحياتنا جدا عاديه نتمشكل ونمزح ونسوي كل شي ويوم ولدي كمل سنتين لاحظت عليه حركات جدا غريبه
خفت وقلت لزوجي وقال انتي موسوسه ومرت الايام وحملت بولدي الثاني صرت اتمشكل انا وزوجي كثير بسبب ومن غير سبب
وحملي كان جدا صعب تنومت بالمستشفى كان عندي اجهاض منذر والحمدلله عده
وصرت يجيني الم بجسمي واروح المستشفى سليمه مافيني شي وكنت دايم خايفه من الولاده واحس اني بموت والحمدلله ولدت وحركات ولدي الاول زادت الين ابوه شافه يسوي حركات من جد تخوف بعدين اقتنع ابوه وصار يرجع عن شيخ واثنين وثلاث وكلهم قالوا عين اعجاب قويه فيه وعلى هذا الحال من شيخ لشيخ وولدي الثاني عنده مرض جلدي يشتد ويخف من فتره لفتره
الين الولد الكبير دخل المدرسه خفنا عليه وكلمنا المرشد الطلابي واستجاب معنا الله يجزاه خير
وجت الصيفيه اللي هي هذي الصيفيه اللي راحت والولد زادت حالته ورحنا فيه عند شيخ ثاني قري عليه عادي قال ابغى امه اشوف اقراء عليها وبالفعل قرا عليه جتني حراره ومع الاستمرار تبين اني انا التعبانه والله يابنات كانت صدمه جدا قاسيه من 5سنين نحن نعالج الولد والولد سليم ويطلع البلاء فيه ومتعب زوجي وعيالي مع العلم كنت اعاني من تعب شديد بالمعده والام بجسمي وفي تحاليل المستشفى سليمه ومع متابعة القرايه اشتد تعبي والمي وصار جسمي كله كدمات وتجيني نغزات وكوابيس وعلاقتي بزوجي رسميه جدا المهم انتهت اجازتنا ورجعنا بيتنا بس انا انتكست زياده يعني لساني انعقد مااقدر اتكلم والقران اتعب لمن اقراه وعيالي مابغاهم زوجي مستحيل اهرج معاه والا انام معاه واكره الناس صرت انطوائيه بعد ماكنت مرحه احب السوالف بس اللحين مااقدر اتكلم
وكنت رافضه فكرت الرقيه مره ثانيه ولين اشتد الوضع غصبني زوجي ووافقت
والحمدلله شفنا شيخ وتفهم وضعي ورقاني والله يابنات يقرا عليه وزوجي عندي لا زوجي ولا الشيخ قادرين عليه يمسكوني ماامسك
يعني فيني قوه خارقه
وحتى اتكشف وحالتي حاله ومع الرقيه تزيد حالتي سوء لدرجه ان الشيخ مستغرب
وقعدنا قرابت الشهر رقيه يوميا يوم اتحسن ويوم انتكس
المهم زوجي ضغط ع الشيخ وقاله قول لنا وش فيها
وكانت الصدمه جدا قويه فيني سحر وحسد وعين
والسحر سحر تفرقه وكنت دايم اشوف شخص يحاول يعتدي عليه قال الشيخ لزوجي هذا مس عاشق لو زوجتك مارجعت طبيعيه راح يتمكن منها وهذا المس راح يدخل عن طريق السحر
والحمدلله اللحين تحسنت كثير عن اول
بس باقي اراجع عند الشيخ الين ربكم يفرجها
القهر يابنات اني كم سنه وانا تعبانه وعيالي كذالك
القهر يوم تثق بناس يغدروا فيك بكل سهوله
القهر يوم انك تضحكي وداخلك الم والناس تحسدك ع الضحكه
القهر ينهدم بيتك بفعل فاعل
القهر يوم تعرفي انك مريضه والسبب اللي حولك
والله يابنات تعبت لدرجه اني زوجي توقع اني راح انجن وكان يخاف يخليني بالبيت لوحدي
الحمدلله والله مااتسخط بس من باب الفضفضه
انا اللحين ماازور احد ولا اكلم احد من جارات وصديقات وحتى الاهل اكلم امي واخواتي ومرتاحه احس براحه غريبه
بس الشيخ ضدي يقول كده راح يتمكنوا منك اكثر
بس يابنات اللي خايف منه اني باذن الله اكمل العلاج واتشافى باذن الواحد الاحد
بس ممكن يرجع لي المرض من جديد بعد فتره وارجع اعاني نفس هالمعاناه واحس نفسي ثقيله من ناحيه الدين والله خايفه ع ديني قبل نفسي يعني لمن اقرا القران اتعب ويجيني خمول
اذكار الصباح والمساء لمن اقولها كان جبل عليه ابغى اخلص وبس
ادري اني طولت بس يمكن ارتاح لاني مااكلم احد
واتمنى من المولى القدير ان يحفظني ويحفظكم من كل شر وكيد
كل ماتذكرتوني ادعوالله انه ينصرني على من اراد التفرقه بيني وبين زوجي وتشتيت عيالي
ودمتم بحفظ الله
يلزم عليك تسجيل الدخول أولًا لكتابة تعليق.
تمورا
•
الله ينصرك علي من ظلمك ويرد كيدة في نحرة ويشفيك شفاء لايغادر سقما
اميييييييييييييييييييييييييييييين يارب العالمين
اميييييييييييييييييييييييييييييين يارب العالمين
ربي يشفييييك
العين حق....
استغفر الله العظيم عدد خلقه ورضا نفسه وزنة عرشه ومداد كلماته...
العين حق....
استغفر الله العظيم عدد خلقه ورضا نفسه وزنة عرشه ومداد كلماته...
IIOII
•
الله ينتقم ويحرق قلب وعيون الي حسدك متقصد وسحرك
الله يرد كيدهم بنحورهم هالمجرمين الي مايخافون الله.
وانتي يا غاليتي الله يشفيك يارب واذا يا عمري ماتقدري تقرأي
شغلي تسجيل لسورة البقره اربعين يوم في بيتك او يوميا الى ملا نهايه
علشان تحمي بيتك من الشر والحسد والعين والسحر.
لاحول ولاقوة الا بالله العلي العظيم
الله يرد كيدهم بنحورهم هالمجرمين الي مايخافون الله.
وانتي يا غاليتي الله يشفيك يارب واذا يا عمري ماتقدري تقرأي
شغلي تسجيل لسورة البقره اربعين يوم في بيتك او يوميا الى ملا نهايه
علشان تحمي بيتك من الشر والحسد والعين والسحر.
لاحول ولاقوة الا بالله العلي العظيم
الصفحة الأخيرة
ويعطيك الصحة والعافيه اهم شيء لاتيأسي واستمري ع الاذكار ولما تنامي توضي ونامي
وعليك بالاستغفار وقيام الليل والصدقه
أسأل الله لك الشفاء عاجل غير اجل