استخيري قبل ..
وتراها على حسب الزوج اذا يستاهل والا لا
بس القرض صعبه .. ممكن مبلغ تعطينه اياه او زي كذا

لو الله سبحانه وتعالى كشف لك شي من الغيب وفيه ان زوجك يبي يتزوج عليك
هل كنتي بتعطينه قرض!!؟

اي امرأة مهما كانت بتقول يخسى ويعقب والله ما اعطيه ولا ريال
ترى هذا الرجال مايقدر اللي تضحي عشانه
يشوفها خبله وناقصة عقل ولا تستاهل الفلوس اللي تجيها

جربي انك انتي تطلبي منه قرض
قولي ودي اشتري ارض او بيت لكن فلوسي ما تكفي وابيك تاخذ لي قرض
وشوفي ردة فعله عشان تعرفين نفسيته وكيف يفكر

المهم يا زينه لا تصيرين مخفه وتاخذين قرض له وانتي تبحلين بنفسك
ماتدرين الدنيا بكره وش يكون فيها

لا والله يختي لا وألف لا

وربي هذي نصيحه ابوي لي ولأخواتي يقول مهما كان زوجك طيب معاك لاتفكرين تعطينه قرض او تشرين بيت معاه. لان الرجال ينسا اللي سويتيه. مايعتبره جميل نفس مايسويه مع خوياه

فأقولك لا لا لا والله لو هو ماياخذ قرض عشانك.

خخخخخخخخ شاطفني. وايش هذي بعد

كثرت المعرفات الجديدة والمواضيع السخيفه

انتبهههي الحين يخليك تاخذين دين عشان هو يسدد دينه
وين عقلك
وخذي مني وعد انك اذاعطيتيه مره بيحس انه واجب ان انتي تعطينه
وشفيها عقول الموظفات
الوحده تتوظف عشان تعز نفسها عن الرجال
مو عشان تصرف عليه
وهو يجمع لغيرها
ماتشوفين الثانيات وش يقولون
يقولون ناخذ الرجال جاهز ماعنده ديون وايام التعب راحت مع الاولى
اتعظي ياحلوووه مو عقب خمس و ست سنوات تجين تكتبين ماقصرت وعطيته وسددت له وشرينا بيت وكتبه باسمه وسكن زوجته معي ولاعاد يبيني


الرجال يكره اللي ماتحسسه برجولته
رجولته انه يكون قايم بمسؤلياته كامله
واذا نقصتي ذا الاحساس بيدوره بيروح يدور وحده تحب نفسها ويتعب عليها وتصير هي الحلوه

اذا تقدرين تاخذين دين
خذي واشتري لك بيت ولا ارض
ومتعي نفسك بالباقي


واذا ودك تعطينه عطيه
عطيه تمتعك
مثلا" سافروا على حسابك
سويها مفاجأه بذكرى زواجكم
شي زي كذا اما تعطينه بيده
شيليها من راسك
واذا بتعطينه
مالك الا حل واحد
كتبيه ورقه بأنك معطيته
ولاتتركين الورقه ببيتك
حطيها بالبنك ولا عند اهلك
اخفيها عن عينه وخليها ليوم من الايام
لان اللي ياخذ من مرته يبدددلها
اعذريني اذا قسيت بس كله خوف عليك
ولاابي احد يبني سعادته على حياتك وتموتين قهر على اللي قدمتيه