احب زوجي ويحبني بس شوفوا اخطاءنا وصلتنا ل وين

هلا



خواتي انا عندي زوج ولله الحمد كريـــــــــــــــــــــــــــــــــــــــــــم وطيب بس اذا زعل ممكن يدوس على مشاعره
اخطاءه

خدعني في ايام الخطوبة اوهمني باشياء انا كانت لي شروطي وافق عليها وغيرها بعد الزواج وهذا اساس المشاكلايام الخطوبة كانت حلم و بعد الزواج كابوس اغلبه ونادرا ما اشوف الايام الحلوة وياه ما اكذب عليكم الحين باديه تتحسن خواتي زوجي تغير ثير وصار دكتاتوري مثال واحد فقط
حملت ومنعني اعرف جنس الجنين وهذا اول مولود قلتله انا بعرف انت لا وما احترم رغبتي حتى الدكتورة قالتله انتوا الرجال دكتاتوريين
انا زوجته يقولي خواني اقرب لي منك تخيلواوانا حامل تخاصمنا ورحت لبيت اهلي اتغدى بس ما جاء ياخذني 9 ايام وابوي اعتبرها اهانه ورفض اني اروح ومن توفى حد من اهله اتصلبي وردني وانا وقفت بجمبه
طيب ولدت وكانت هاي المفاجاة اللي ماتوفعتها انا في بيت اهلي وهو في بيتنا بس كان يروح لاهله كان في فترة امتحانات ورغم ذلك ما قصر معاي لكن من راح لاخته قالتله اهتم بدراستك وان مو اول ولا اخر من يصير اب وليش كلفت على عمرك وشريتلها طقم ذهب منها ردلي غير ماعاد يسأل ويقولي خليني اشوف مستقبلي الومه والوم اهله واختلفنا كان يبني اكمل ال40 في بيت اهله انا وافقت شرط ما اطول بامانه هذي اول ولادة لي ابي اكون جمب امي تدرون شو سوا تركني 40 يوم من غير ما يتصل ولا يسأل عني ولا عن اول ضنى له ولا حتى مصروف وانا كنت ارسله صور البنت والله ولا حن كانت اخته حسبي الله عليها تقولي يشرق ويغرب ومستانس بالتلفون طبعا لان حضراتهم بعد ما زاروني من ولدت غير مرة وحدة فقط.
وبعد
ال40 ردلي وشوفوا شروطه
1-اهلي ما ازورهم غير بالسنه مرتين---------طبعا هذا ما طبقه ولكني ما اقدر اروحلهم كثير

2-ما يكون عندي موبايل-----------طبق هالشي لمده شهر وحاجه

3-ما ارفضله اي طلب مهما كان موقفي ورايي منه يعني مالي كلمه بالبيت
وافقت لحاجة في نفسي ولان فترة ال40 صعبة وكنت احتاج زوجي جمبي وماكان بجمبي

بس بعد اللي سواه يشترط علي كذا شروط كانت اهانه بيرة ولما جاء ياخذني خذني من الباب وترك هدية ابوي برع مارضى اخذها منها ابوي تعب ودخل غرفة الانعاش والحمدلله تحسن
منها زوجي ابد مايدش بيتنا يوصلني قدام البيت ولايدش بيت هلي


وانا صابرة بسألكم زوجي مانع ان تكون لي اي علاقة بخواتي ما اروح ولا ارد معاهم خير شر ولا اقبل شي منهم ولا من هلي وان كيف احترم هله اللي ما يستاهلوا احترامي ابسألكم اانا افكر بالطلاق لان هالوضع صعب علي ما اشوف خواتي وفي كف زوجي يحبني بطريقه هذي بس فعلا يحبني ولا عمره ردلي طلب بس اذا يزعل يجرحني ويغلط ويطاول على امي ويهينها والسبب امه والله معبيه راسه وامي الكل يمدح في طيبها وكرمها


خطأي

كنت اتكلم بامور بيتي للجميع والناس ماترحم طلعت اسرار بيتي واعترف بجهلي وغلطي


بجن لاني احبه بس مو قادرة اتحمل هالوضع افيدوني