سوسولتي :

اول شي عليك بالدعا ان ربي يصرف حبه عن قلبك ولا يعلقه الا بطاعته سبحانه ثانيا هذه المرحله اغلب البنات مروا فيها ...بعدين صارماضي يضحكون علئ هبالة انفسهم .. انا بقولك قصتي يمكن تستفيدي منها.. عاد انا ايام الاكشن حب ع الطبيعه مباشر لايف لاكيك ولا غيره ..المهم كنت احب امام مسجد الحي والمشكله ورئ انه مايدري عنا كمان غير سعودي وكنت معذبه نفسي عشانه اطلع بعز الظهر ع السطح عشان اشوفه مع خرم الجدار وكل ماجا فرض طلعت السطح عشان اشوفه وكنت ادعي ربي يكون زوجي وشوفي العقل كل ماجا ابوي من المسجد اطالع مع الشباك اشوف الامام جاي معاه لعشان يخطبني هههههههه واصلا الامام مايعرف ابوي..كيف يجي معاه المهم انتظرت سنين وفي ليله من الليالي قال ابوي بيسعودون كل شي حتئ المساجد وامامنا والله انه حليل يبي ينقلونه وانا قلبي مدري وين راح ..وكنت ادعي ربي يصرفه عني وتقريبا بعد اسبوع نقلوه وانا مره تعبت نفسيا ولا احد يدري عني غير اختي ومدروا اهلي غير انا متشنجه قدامهم ودوني المشفئ وانا بالسياره اطالع السيارات عساني اشوفه الحمدلله والشكر العقل نعمه ..يوم جيت البيت قالت امي الله يرحمها وش فيك قلت خلي اختي تعلمك وعلمتها السالفه قالت امي الله يرحمها ياويلك لو ابوك درئ ...ومع الايام نسيته وكل مااتذكر ذيك الايام اضحك ع نفسي وع هبالتي...وسلامتك قصتي للعظه والفرفشه..

اول شي عليك بالدعا ان ربي يصرف حبه عن قلبك ولا يعلقه الا بطاعته سبحانه ثانيا هذه المرحله اغلب...