تشجعينها على العقوق؟
عساها ترجع فيك ويصير فيك مثل ماصار بالعجوز المسكينة
صار حتى فعل الخير جريمة بهذا الزمن الاغبر
وخرابات البيوت العوب مسويات فيها شخصية منتي ملزومة ومو من واجبك وبالاخير محد ينكسر رقبته الا هن ونصايحهن المدمرة
وانتي ياصاحبة الموضوع حقك وجاك توك تصحين بعد ماطلقك ماخفتي من ربك وانتي تقولين له يا انا ياامك
على اساس انتي اخر حبه والرجال مبين انه كفو المره بدالها عشر والام محد يجي مكانها
ترضين امك تقول عنها زوجة اخوك نفس كلامك ترضين لها المذله في بيت ولدها؟
وعسى كل وحده هذا تفكيرها الله يرجعه لها بعيالها وتشوف المهانة بعينها

ارجعي كلميه دامك انتي غلطانه المفروض انتي تعتذرين مافيها شي ، كلميه قبل تتم الخطبه صدق

الله يهديكم يابنات ركزو واللي يعافيكم
هي ماتسأل هل غلطت ولا لا ؟ هي عارفه ان الغلط راكبها من راسها لساسها قريت اغلب الردود كله نفس المعنى تبين تخيرينه بينك وبين امه ؟ مجنونه ؟ صاحيه؟
البنت خيرت وخلصت وتندمت وتطلقت
هي تقول دورولي حل فأقلها ياتدعون لها ياتعطونها فكره شلون تجيب راس طليقها
اما بالنسبه للشماتات اتقوا الله لاتضحك باخيك فيعافيه الله ويبتليك .. ماحنا ملائكه ولو الموضوع مار على صاحبة الموضوع نفسها بتقول نفس كلامكم من المجنون اللي بيخير واحد بين امه وزوجته لكن قدر الله وتكون بهالموقف لحكمه لايعلمها الا هو سبحانه ..
وكله كوم واللي شادات حيلهم بالدعاوي عليها استغفر الله وكأنهم يشوفونها زوجة ولدهم !!! وهذي امهم
ذكرتوني بردود الزوجات الاوليات على كل زوجه ثانيه يتخيلونها ضرتهم افصلوا مشاعركم الله يرضى عليكم شوي


حبيبتي اول شي اسأل الله العلي العظيم ان يحنن قلبه عليك ويجعل بينكم واسطة خير لارجاعك


اذا الوالده علاقتها كويسه بامه او وحده من اخوات زوجك تكلمها وان البنت ندمت والاطفال تعبانين بدون ابوهم وتطلبها تكون واسطة خير بينكم وبين اخوها ،، لان الحريم لو اقتنعو سهل امر الرجال .. لكن لو ابوك يدخل بالموضوع ويشاور خواته وهم حاقدين عليك تتعقد فانتم اضمنوا ان تغيرون تفكير امه وخواته والباقي سهالات
ان مانفع هالكلام شوفي وحده من سلفاتك الطيبات تكلمينها تكلم زوجها يقنع اخوه ولاتقولين كرامه ماكرامه بتسعين لتعديل وضعك وحماية بيتك فارمي سالفة كرامه ورى ظهرك اقلها ماتتندمين بكرى وتقولين ماسعيت وماجربت تكونين مرتاح ضميرك وسويتي اللي عليك وماكتب الله


وطمنينا ياحبيبة قلبي والله يشرح صدرك ويكتب لك الخيره بأمرك

الله يهديكم جميعا
الرجال ونعم فيه والله يستاهل كل علم طيب
الله يرزقه بالزوجة الصالحة امين


( أمك ثم أمك ثم أمك )


تبينه يختارك وانتي قاعده ببيت ابوك تقولين انقلع اطرد امك ليه مأثره عليك المسلسلات الكويتيه ولا شفتيه تسإهل معك وعطاك على راحتك بلسانك قلتيها امه لاحول لها ولا قوة يعني م إذتك مرا كبيره غيرك متحملات خالاتهن علشان بيوتهن لا تنهد وهن خالاتهن ماقصرو فيهن بالاذيه وانتي وحده كبيرة سن ماتعرضت لك تبي عيشتها وعلاجها ليتها خالتن لي


اجل بتطلعين تتمشين وتاخذين راحتك ببيتك ليه ضربتك بالعصا وقالت ابيك قدامي تبكين اعتبريها امك ياحرمه
اطلعي تمشي محد رادك ولا حد دايس لك بطرف هي عشيها وعطيها علاجها واحتريها لين تنام ثم اطلعو عادي من ابسط مايكون بس انك تنتشلينها من بيت ولدها علشان حظرتك تلفين المطاعم والاسراق ليه زوجك تباعن لك لحالك وراه ام يتحاسب عنها يوم الدين


انا م اهاوش اعلمك وش اللي صاير بس
تحسبين الناس بتتعاطف معك على طلاقك لا يمه
بيقذفونك وليشتمونك ويسبونك عند اهلهم ويضحكون عليك بعد ويخلون سيرتك متداوله بينهم محد متعاطف معك بذي لو تعبدينه م يترك امه علشان حرمه الا ان كان ولد شوارع وولد الشوارع بعد فيه رحمه بعد ودي الموقف يتكرر مع امك ولا انتي شخصيا ووقتها بتحسين بالوجع صدق توبي واطلبي من الله السماح تراك تطلقتي من دون سبب يحل الطلاق واذا لك رجعه له يكون الله رحمك وسامحك وامره يرجعك واذا مالك انسيه وانسي امه حرمه ثانيه اولى من امه عليك

سبب الطلاق الاساسي هو الزوج
اي حق يسمح له يحبس زوجته وتنحرم من الطلعه علشان امه موجودة في البيت انا اشوفه ظلم
اتوقع زوج العضوة عايش حياته بالطول والعرض ومخلي زوجته حارس لاامه ؟؟؟؟ مافيها شي اذا كلم اخوة وقال له تعال اجلس مع امي بتطلع اهلي مشوار او يودي امه لبيت اخوة واخر الليل ياخذها الزوجة لها حقوق الرجال فاهمين بر الام غلط
والعضوة اكبر غلط سويتيه في حياتك انك خيرتيه بينك وبين امة طبعا قضيه خسرانه بدون قاضي
ممكن تعالجين الوضع بطريقة ثانيه خاصه ان في خدامه
انا اقولك الحل خلي ابوك يكلم زوجك ويصلح بينكم اذا تبين زوجك لازم تخلين شخص كبير له هيبه يحترمه زوجك يصلح بينكم