سلام عليكم بنات كيفكم ان شاءالله تكونوا بأحسن حال
اعتبروها فضفضه يابنات من اختكم لاني مااقدر افضفض لأحد من اللي حواليني انا حزينه ومتظايقه من الوضع اللي عايشينه مره وخايفه إيماني يقل استغفر الله على اني الحمدالله دايما اذكر نفسي اني فإبتلاء والمؤمن مبتلى ولكن الظروف تخلي الواحد يحزن اكثر والشيطان يزيد بحزنك مثل امس خرجنا انا وزوجي نتمشى بمكان كذا زي المخطط وكان فينا كمية حزن الله بها عليم الناس فرحانه ماشاءالله والالوان بكل مكان حتى الالعاب الناريه اللي افرح لما اشوفها والله يابنات نشوفها كأنه شي عاااادي ماعادت الضحكه على وجيهنا ابدا وانا خايفه أوصل مرحلة اليأس الظروف هي ان زوجي مفصول عن عمله وعلينا ديون ومتأخرات وفوق هذا زوجي ربي ابتلاه بمشكله ومسببه عقم وحالته يبغالها تكاليف عشان المحاولات فقط بنات انا لو اترك زوجي اطلع ماني اصيله وأحس حرام اتركه وهو كذااا بالذات اني شايفه وعارفه الوضع اللي يمر فيه فالبدايه حياتنا كانت مشاكل وقرف والحمدالله بدأنا نفهم بعض اكثر لكن الظروف مرات تخلي الواحد يطّلع عن طوره تخيلوا الان الكهربا بيفصلونها علينا وفوق هذا راعي العماره يبغى يطلعنا وانا جاتني الدوره وأنتم بكرامه ونفسيتي الحمدالله بس كنت متأمله احمل كذا من غير شي لاني ادعي كثيير والحين انا كمان احس صرت مثله ماابغى اشوف الناس والله يابنات انا مو كذا بس اخاف أضعف وإيماني يقل اعوذبالله دعواتكم لي نتوظف انا وزوجي ويرزقنا ربنا بالذريه الصالحه ويسهل امورنا يارب وكل من قال امييين أعطوني نصائحكم
رشفة قهوة @rshf_kho
محررة ذهبية
يلزم عليك تسجيل الدخول أولًا لكتابة تعليق.
مسلمة 💗
•
اكثروا من الاستغفار وقول لاحول ولاقوة الابالله ....وقراءة البقره والله ان فيها بركة عجيييبه
استغفري ربك وادعي وادعي واستغفري كتير كتير ورح تشوفي الفرج قريب ولا تقنطوا من رحمة الله
لا يمكنك مشاهدة هذا التعليق لانتهاكه شروط الاستخدام.
خلاص ماعاد لي وجه اتسلف أصلا فيه منهم قاعد يطالبني وربي مكرمهم ماشاءالله لكن ماعاد فيه تقدير او مراعاه كأني قاعده على بنك المشكله مبالغ صغيره جدا وهذا من حقهم لكن ماشاءالله يقدرون يصبرون لان شايفين ظروف زوجي الصحيه مره تعبان مررره الحمدالله على كل حال
تولان
•
اشتغلوا اي شي.كاشير في مطعم وجبات سريعة. اي شي الين يفرجها ربي وفيه شقق غرفة وحدة اسعارها معقولة خاصة أنتم ٢ شوفي موقع عقار ويفرجها ربي
ان مع العسر يسرا
ان مع العسر يسرا
الصفحة الأخيرة