السلام عليكم ورحمة الله وبركاته
طبعاً الكتاب باين من عنوانه الا وهو اني قبل شهر ونص تقريباً دخلت برجلي قزازة صغييييرة مررره! حاولت اطلعها ماقدرت نصها داخل ونصها جوا وأنا قاعدة أحاول اطلعها دخلتها بالغلط من صغرها طبعاً نزفت رجلي انا حطيت لزقة ونسيت الموضوع قلت صغييييرة مره ماراح تأثر ولا راح أحس فيها اصلاً! طبعاً بالبداية كل ماجيت اوطى على باطن رجلي يألمني مكان القزازة انا قلت لانها توها داخلة فيني قاعدة توجعني وصرت أعرج امشي على حواف رجلي اليسرى وتعودت الين ما مرت الأيام ووطيت على رجلي حسيت بنغزة سكين برجلي ولمى شفت المكان الا هو منتفخ يعني اللحم ناط (: انتفاخ بسيط ولمى اضغط عليه يعورني، عاد بحثت بقوقل عن هذا الشي انو لازم أروح دكتور يطلعلي إياها ولا عادي ف قالوا انو خطر ولازم بأقرب وقت تروحين الدكتور، الزبده انا خفت ورحت لدكتور جراحة طوارئ.. طبعاً كلمة فااااااشل قليلة بحقه، قاعد يسألني وكذا وقال لازم نسوي أشعه لرجلك عشان نشوف مكان القزازة، وعلى كلامه ان القزاز يبين بالاشعه لو كان ايش، لمى سويت وطلعت الاشعه طلع مافيه شي جا قالي انو شكل مابطك شي مجرد وساخة او حساسية عطاني مرهم ادهن عالمكان وشاش! عاد انا نفذت اللي قالي وولا فاد وقبل كنت أحس العوار بس عالمكان نفسه أما اللحين أحس ببطان رجلي كلبه يوجعني!
سؤالي هو: هل يحتاج اني اطلعها ؟؟ او عادي مايضر! ولو لا سمح الله ماقدرت اطلعها وش ممكن يصير لأني خفت بصراحة، وأحس لو أروح لأكثر من دكتور بيقولونلي نفس كلام الدكتور اللي رحت له لأنهم اكييد بسيون اشعة وماراح يحصلون شي (: بس انا قاعدة أحس فيها،، وش بيفهمهم(:
ومالقيت الا ذا القسم بوجهي احط فيه موضوعي ان كان غلط مكانه او شي وسلامتكم((:
ام متعب الرميمي @am_mtaab_alrmymy
عضوة جديدة
يلزم عليك تسجيل الدخول أولًا لكتابة تعليق.
اهلين ام متعب فيه طريقة بداية ممكن تفيدك قبل تروحين ان فادتك فابها وانا مافادتك روحي لدكتور بسيطه جداً خوذي ابره وعقميها بمسحه طبيه وانقشي مكان القزازه ثم حطي ملح وفقس تكوني خلطيهم مع بعض ثم ضعي منديل ولبسي شرابه ونامي وفي الصباح ناظري المنديل هي طلعت او لا ان شاء الله تفيد معك باذان الله
تحياتي لك مجربه شخصياً
تحياتي لك مجربه شخصياً
مشكورين حبيباتي عالرد♥♥ وراح امشي على كلامك يا " احب الطبيه " وراح أبلغك وش يصير معي (:
الصفحة الأخيرة
وأعتقد حسب وصفك إنها لازم تطلع مادام سببت لك كل هالألم