ما قصرن الاخوات فالنصايح مفتاح الحل بإيدك بس انتي انفظي غبار الكسل وتعلمي تقسي على نفسك عشان تتحركين..اشربي يوميا على الريق كوب شاي اخضر بيعطيك طاقه ممتازه..2-افتحي شبابيك غرفتك اول ما تقومين يتغير جو الغرفة وتطردي الشياطين..3-خذي شاور سريع وجهزي له الحمام امسحيه بمعقم ريحة المعقم تغطيه راحه اكثر..4-بعد ما تخلصين الريوق تريقي معاه تصير بينكم ألفه وعيش وملح وقومي لاتطولي حتى لو ماشبعتي قومي وروحي شغلي على فحم وبخريه..5-التفاصيل الصغيرة جدا مهمة وتأثيرها كبييير في نفس الزوج لما تنتبهي لها حتى ببتتغير شخصيتك مع الوقت وبتصير البليدة انسانة دقيقة لا إرادي تجي عينك في اي شي مو طبيعي ..
6-مكان الاثاث غيريه وغيريه هذا الشي يلعب دور والارضيه اذا سيراميك خذي له سجاد تغيريه بين كل اسبوع والثاني..
7-اشتري ورد وحطيهم فالفازة وغيري اللون والنوع كل مره تشتري فيها
8-الملابس بعد ما تكويها حطي لج مرش حطي فيه كمية ماي وحطي فيه نص توله غرشة المسك الصغيرة واخلطي وسويه قبل بليله عشان لما تجي تكوي تثبتي فيه ريحته..
9-دائما عوديه على سماع القرآن الصبح اول ما يقوم بيحس بنشاط وروحانيه اكثر
10-دائما الاكل إللي تسويه تعلمي تزينيه له وإذا عندك اطباق مصممه مثل التحف استخدميها وشوفي فالنت طرق تقديم الاكل وسوي مثلها
11-مارسي الرياضه دائما وقدامه يكون احسن خصوصا لما يكون اجازه بيعرف ان اللي قدامه انسانه مهتمه بنفسها وبأناقتها
والطبخ يقول امي تسوي سفرة على الغداء ويمدح اخواتة يقول كل شي يسونة فطور وغداء وعشاء وانا مهما سويت يشوف ولا شي عند اهلة وانا ساكنة عندهم عاد تعالي وشوفي كل يوم ينزلني بالغصب واجامل ولبسهم الله يستر عليهم
قبل مااجيب اول ولد لي لبست الصبح تنورة بيضاء وبلوزة قال لي لا تروحين لاحد وهي عليك وقال انتي مو بوعيك كيف تلبسين بدون شي فوق الملابس الداخلية علشان ماتبان احيانا اقول شكلة يلعب بذيلة لو تشوفي كلامة عن الطبخ والملابس تقولين واحد عزابي
تعبت والمشكلة عيالي طلعو نفس الطبع ولدنا الككبير اليوم صحى وقال لية البيت قديم والحشرات فية وابوة بس يضحك