عزيزتي انا مريت بتجربه شبيهه جدا بتجربتك
ملكت وقعدت فتره طويله بعدين خلعت و يتقدموا ليا خطاب وانا ارفض متعقده من الزواج لين جاني زوجي مطلق والفرق بيننا 17 سنه صح كثير و كان عمري 27 هذا واقع مجتمعنا مطلقه خالعه ارمله تبي رجل صالح تاخذيه بهذا الفرق يزيد او ينقص بقليلل الا نادرا

والحمدلله اليوم اكتب لك وانا بحضني بنتي دعواتك لها بالصلاح واعيش حياه طيبه كريمه



الخوف الي موجود عندك من فشل الزواجه الثانيه .. كيف اتغلبت عليه

والدي الله يخليه ويرزقه الصحه والعافيه خلاني اكلم زوجي بالجوال قبل ما نملك فترة شهرين او ثلاث قالي انت كبيره وفاهمه وهذا رجال مثلك يعني عارف انه اللعب بعيد جدا جدا عن مقصده وعني برضه

طبعا كلامنا ما كان كلام فاضي لاااا كان بالبدايه خوف وبعدين بدأت اتعرف على شخصيته وهو برضه يتعرف على شخصيتي وافهم هو ايش حاجته من الزواج واعرف كيف تعامله وكلامه واذا مناسبه له ومناسب ليا و حسيت اننا اتزوجنا عن قناعه ببعض و اتفادينا المشكلات الي تحصل بسبب تصادم الشخصيات بداية الزواج و الحمدلله

طبعا في امور لازم تعرفيها وتكون مؤثره بحياتك المستقبليه

الشخص الي اتقدم لك متعلم.. جامعي او لا

ايش وظيفته واحتكاكه دائما بمين

عنده بيت ملك او ايجار

وضعوا المادي وصرفياته

ساكن بنفس مدينتكم او بعيد

بيتوتي او اجتماعي ..... بالغالب بهذا العمر يفضلوا البيت لو كان مريح

الزواج من شخص بينك وبينه فارق بالعمر كأي شيء بالحياه له محاسن وساوء

حاولي تتغاضي عن بعض المساوء و تعدلي سلوكه في بعضها كده تعيشي مرتاحه

لو بيته ملك اطلبي بيت بعيد حتى لو اهلك مو بنفس المدينه ( ( اسألي مجرب ) )

الجيران جيران الاولى ما حيتقبلوكي ابدا وهذا الشيء حتى مع زوجات اصدقائه وممكن مع اهله وانا حاصل معايا وانا بعيده عن اهلي فلو كنت بحي ثاني على الاقل اشوف جيران

وللعلم اخوات زوجي يعزموا طيقته وما يعزموني بحكم انها من جماعتهم وانه اهلها واهله جيران فخلي في بالك الشيء داه وانه ممكن يجيكي شيء من كده والسكن البعيد تكفي شر مسألة ... خرجتها . مشيتها . وديتها مطعم . وانت برضه ما تشوفي شيء طلبوا اكل من بره. خرجوا . جوهم ناس وعندهم عزيمه . ما تعرفي اي شيء يحرق اعصابك

بحكم عمره ب الاربعين بالغالب ما يحب وسائل التواصل الاجتماعي وامكن يقلك اي برنامج موفي بجوالي لا يكون بجوالك

يحيبوا يأخروا الخلفه والحمل مع الثانيه .. من صالح الزوجين برأيي ... بس لا تطولي ولو انفتح الموضوع من بدري قولي سنه ( واصري على سنه ) لا توافقي على اكثر ... ((( اخ بس من تجربه والله انصحك ))) محسوبتك اتأخرت 3 سنين

ايام الجمعه مو كلها عند اهله ولا مع اولاده

وايام العيد مره عند اهله اول يوم ومره معاكي يعني مو يقلك اروح اصلي مع اولادي الكبار وارجع افطر معاهم لااااا الشيء داه يقله ابوكي ولا اخوكي انه مره تكون لك اول يوم بالعيد ومره لها

خرجات الاسواق والمستشفيات والزيارات يوديكي وداه عليكي تعوديه من البدايه وممكن اهلك برضه يقولوله .. ترى راعي البيتين يطفش من السوق والمستشفيات ويحاول يخلي الثانيه على اهلها بما انه الاولى اتعودت تروح معاه

الرجال بعمر الاربعين حنونين جدا ويبوا عاطفه كبيره من زوجاتهم ويبوا زيادة اهتمام عن السابق بالغالب بداه الوقت الزوجه انشغلت بتربيت اولادها فيلجأ لزوجه ثانيه انت افيضي بحنانك و حبك له تمتلكيه وكوني انثى بقوه يعيشك عيشه هنيه

انا ما اخوفك من هذي الزيجه بالعكس اعطيتك حاجات غفلت عنها من تجربتي عشان تنتبهي لها .

كوني على بينه ببعض متطلبات هذي الزيجه واذا وجدتي نفسك قادره عليها استخيري واستعيني بالله وتوكلي وربنا يوفقك

بعدك صغيره والفرص قدامك كثير علي الأقل تاخذي رجال منفصل مو متزوج بكره غيره وضره وصراخ وشباق ومشاكل ليه وش لك بوجع الراس وبعدين هو اكبر منك بكثير احس لو تصبرين بتجحيك فرصه احسن منه واذا انتي مقتنعه فيه او خطباك قليل وتخافي من الفشل علي الأقل اشرطي عليه بيت لحالك ومصروف معين يعني تدللي علي كيف كيفك بعدك صغيره وبدن عيال يحلم ياخذك

👍 نفس الرد

متزوج تحته ميه خطا وهي وش ذنبه تدخل وحده بحياته ......اكيد مااخذ رايه بتلقين مشاكل ماله اول ولا تالي اختصري الطريق بدل ماتندمين بعدين ومايفيد الندم الله يكتب لك الخير. ..

ياقلبي الباب اللي يجي منه ريح صكه واستريح
انتي صغيرة ليش تدفنين عمرك مع واحد اربعيني لا ومتزوج ؟
اسمعي كلمة أختك ولا توافقين احس انك بتدخلين دوامه مالها أول من تالي
وماعليك من أحد انتي مو أول ولا أخر وحدة تطلق ولسى الحياة قدامك وما تدرين يمكن الله مقدر لك شي ازين
لا تستعجلين ...
هذا رأي وانتي برحتك ياقلبي
الله يوفقك ويجعل حياتك سعادة وهناء