احتاجكم يابنات واللي ردها نفسيه لاتدخل الله يخليكم

السلام عليكم
أخواتي انا ودي افضفض لكم
انا متزوجه لي اربع سنوات
وحياتي كاابه ما عمري جلست مع زوجي ولا تقهوين معه كل شي مع أهله مع ان لي شقه فوقهم
بس خلاص القهوه والأكل معهم
والعشا مره أصلحه ومره أهله
وأكثر الوقت مايكون فيه بالعشا اذا صار علي
قسم طفشت وقلت له خلاص مااد اطبخ اذا كنت مانت فيه
وزعل قال انا ورأي حرمه سنعه ماتوقعتك كذا
وانا والله طفشت قسم دائم باليل ما أنام الا متاخره وأبكي ع حياتي
والله احس متزوجه أهله
وما اقدر أقوله ابي كل شي لحالي اكيد بيقول أهلي بيزعلون
ولا عمره صار سوالف وهرج بيينا يجي للبيت للنوم او برنامج يتابعه او على الجوال
قسم طفشت وربي
ومليت ما عاد. البس له حتى لبس النوم
ما عمري سولفت معه او مزحت يجي وقت النوم للبيت بس
وزوجي لو أقوله فيني عين او حسد ماي صدق وأحلم يؤديني راقي يقول موسوسه
وانا احس في شي لآني مااقدر اقرأ الرقيه والأذكار بالغصب اقراهن
وأحيانا احس اكره ريحت زوجي او أشم معه ريحه مو حلوه وهو يوميا يتحمم
فيااخواتي. شير وعلي
وأدعو لي ربي يرزقني أعيش انا وزوجي لحالنا قريب
واللي بترد بكلام ماهو بزين الله لا يسامحها ويبتليها بحياتها