احتاج آرائكم👍🏻👎🏻؟!

السلام عليكم ورحمة الله وبركاته
كيف حالكم يا بنات لكم وحشه كبيره والله من زمان عنكم يا جميلات
طبعا اللي عارف موضوعي مع زوجي اللي طلقني فجأة من غير اي مقدمات تحدثت فيه قبل خمس شهور وزياده يمكن للي حاب يفهم الموضوع اكثر يدخل يقراه🌹
قبل ثلاث أسابيع تقريبا كلمني
طليقي وقال بانه يبغى يرجع وندمان واذا مو عشانه عشان العيال نرجع مثل قبل بدون تدخلات اهله
انا اول ما شفت الرساله استغربت انه استوعب متاخر مره يعني بعد كم شهر حس بالغلط اللي سواه وانا بعد طلاقي بشهرين عرفت انه خطب وجاه الرد بالرفض عشان كذا قعدت افكر هو يبغى يرجع عشان ما قبلو فيه ولا عشان فعلا حس بالغلط
انا يا بنات وما اخفيكم اني انقهرت في بداية الموضوع لكن بعدين تأقلمت لكني فعلا احبه ويظل ابو عيالي لكن في نفس الوقت تعز علي نفسي لامني ذكرت اللي سواه فيني بس بعد اول ما كلمني رفضت كلم اخواني ولازال لدرجة اثر على اخواني وكل يوم ما عندهم سيره الا فكري وهذا أبو عيالك مالك غناتن عنه ومن ذا الكلام اللي انتو عارفينه وانا بعد بدا يلين راسي وأحن على الرجعه بس ابغى شي اطلبه منه يرد لي فيها كرامتي قدام اهله على الأقل فأبغى اشرط شرط منها رضاوه لي ومنها رد كرامه قدام اهله
انا إلى الان ما وصلت له اني موافقه لكن علمت اخواني باني قاعده افكر و ان رجعت في شروط
وانا في الحقيقه ما عندي شي بس فعلا ابغى شي اشرطه عليه وشي يراضيني فيه فأنتو وش رأيكم بالموضوع ارد او لا واذا رديت ششرط عليه او شقوقه رضاوتي لان اللي عارف موضوعي يدري اني انظلمت معه و قد إيش قهرني
ارآئكم تهمني و اسفه على الاطاله🌹