احتاج اجابة تريحني

السلام عليكم ورحمة الله
بنات عندي سؤال ومحيرني صراحه
اللي مرت بهالوضع وعرفت السبب وحملت تعلمنا
يعني انا سليمه وماعندي اي مانع للحمل وزوجي عنده ضعف بالحركة بس مو مره ويتعالج وبدا يتحسن والدكاتره يقولون مايعيق الحمل
بس ولا مره حملت حتى لو حملت وطاح لا ماحملت وانا سليمه
من جد احترت يعني من مرت بنفس حالتي من تزوجت وهي سليمه ماحملت ولا مره
كل اللي قريت قصصهم اللي تقول عندي مشكله ولا حملت او تقول حملت وطاح ولا حملت بعدها وانا سليمه
اقسم بالله يابنات يعورني قلبي اقول هل انا حملي صعب كل شي سويته سليمه ومتابعة تبويض وابرة تفجيرية واشعة صبغة لعل اعرف السبب بس مافيه سبب
احيان اقول بسوي انابيب بس فيه شي يردني
صرت اروح مستشفيات وادفع مبالغ اقول يمكن فيني شي ولا احد عرف رحت استشاريين واخصائيين كلهم يقولون سليمه حتى يقولون ابد ماحملتي ولا مره انتي غريبه لان ماعندي اي سبب لتاخر الحمل مافيه سبب مقنع لدرجة يقولون خلاص لاتجين مافيك شي
والله ماشاء الله لما اشوف اللي يحملون بسرعه تحمل او لما تعالج ثلاث شهور بالكثير الا حملت او بعضهم زوجها مايجيها الا مره وتحمل او اللي تسوي عزل وتحمل
انا موكلة امري لربي
بس ابي اسمع منكم اللي يهون علي ويفك حيرتي اللي من سنين اعاني منها