احتاج ارائكم ياعااالم حواء

صباح النور 
اولا يابنات احنى متخاصمين بسبب امه وقام هو طردني من البيت يعلم الله يابنات اني ماغلطت على امه واني احترمها واتوددلها واطبخلها واعزمها في رمضان حتى هي دايما تمدح فيني واني احسن وحده من حريم عيالها المهم سويت اللي طلبه مني اخذت عفشي ورحت عند اهلي بدووون بناتي اخذهم يومين ورجعهم لي امه قالتله رجع البنات لامهم ولاتراني بزعل عليك المهم ان ابوي كان يحاول فيه انه يرجعلي بناتي لكن هو ماقدر ابوي وراح يتكلم فيني عند ابوي اني مقصره في حقوقه وزي كذا ويقول لو تبغى ترجع ترجع لكن انا قلبي زعلان منها انا ماشكيت منه رغم اللي اشوفه منه لكن من بعد ماشكى قمت فضفضت وطلعت اللي في قلبي هو مايشتغل وعصبي ويحملني مسؤلية البنات ويغاااااار ويدقق علي في السوق وفي كل مكان ويعلم الله ان حجابي كامل عبايه راس وقفازات وغطوه اسلاميه ولايطلعني ولايمشيني في الاجازه الناس تروح تسافر وانا جالسه في البيت حتى عمره في رمضان ماوداني بحجة انه ماعنده فلوس وفي الاخير اخذها مع اصحابه وخلاني وياما مرينا في ضروف وتحملت على شانه كنت لمى افتحله سالفة الوضيفه يزعل يقول اذا مو راضيه بعيشتي روحي عند اهلك وانا اتمنى حالي حال الناس بيت ملك وعيشه حلوه وسفرات الحمدلله على كل حال الحين هو يقول بيجي يرجعني بعد يومين وانا قلبي مليان منه ومن تصرفاته ومعاملته لي يحاول يركبني الخطا غصب عني المهم الحين ابوي بيشترط عليه اذا يبيني يروح يدور عمل وبعدين يجي واذا مايبغى الحمدلله بعيش عند اهلي معززه مكرمه والحمدلله اهلي ناس طيبين ومايرضون لي الا كل خير ف اشرايكم يابنات في تصرفاته معاي هل يستحق اني اطنشه واخلي ابوي يتصرف معاه ويعلم الله اني طيبه معاه ومع اهله واي كلمه يقولها اسمعها واني احاول اتجنب المشاكل معه بقدر المستطاع عشان مااخسر بيتي وبناتي ومااخسره واتنازل عن بعض حقوقي عشان ماايخرب بيتي وابلع بعض الكلام اللي اسمعه وبعض التصرفات اللي تبدر منه بس خلاص الانسان له طاقة صبر وتحمل وانا ماعد عندي طاقه خلاص مليت 
ادري طوولت بس احتاج ارائكم الحكيمه يابنات وبكون شاكره لكم