احتاج النصيحة! 🙏

السلام عليكم,
مدري اذا الموضوع متكرر او سبق وجاكم احد معاه نفس المشكله!
انا مشكلتي انفهم غلط وكثيير لكن ما اهتميت خصوصا اذا ناس ما اعرفهم.
المشكله لو من ناس اعرفهم واعزهم ويفهموني غلط مع انهم عارفين تفكيري!
المشكله هي مع اختي, تعرف انو انا انسانه طموحه وما اهتم بكلام الناس وخصوصا القرايب الي تقريبا التواصل معهم شبه معدوم عشان!
لكن مشكلتها تفكر فايش يقولوا الناس ونظرتهم كثييييير وهذا متعبني حيييلللل حرفياً كل الناس حتى ابوي! اوكي الابو نهتم لكلامه ونفكر فيه بس ناس ما نتواصل معهم ولا لنا علاقه فيهم ولا يعرفوننا! ليش! فكرت بالبدايه اكيد عندها وسواس بس انها تفكر بايش يقولون عني انا! وانا ما اهتم؟!
هي مش اجتماعيه ودايم في البيت! اوك انا ما عندي مشكله هنا بكيفها ما ترتاح تطلع هذا الي انا فكرت فيه... بس حسيت المشكله بسبب انها تفكر بكلام الناس
تعبتني انا احبها وابيها ما تهتم بكلام ناس ما لهم اي صله فيها وفيني ابيها تتحرك وتسوي الي تحبه وتتوظف وتحقق الي ببالها بدون ما تفكر هذا الشخص ايش يقول ابي تلبس الي تبي بدال ما تقول ايش يقولوا عني! ابيها ما تنتقد كل تحركاتي وكلامي بس لاني اعبر واعيش وما اهتم...
انا لما اعبر عني رأيي عندها مثلا بخصوص نفسي انا احب البس بشكل انيق وخصوصا انا محجبة وهي لا وقليل عرف من الاقارب بس ما اهتم دام اهلي معي! لكن هي تفكرر مرره في هالشي وكيف وشو يقولون وبيصير مشكله , انا كبيره وعمري في منتصف العشرين ومخططه لحياتي كويس ونقول توكلنا على الله, وانبسط لما اناقش احد بالخطط وهم بالمقابل نخطط معهم ونتبادل الافكار تخيلوا ايش ترد: (انتي عبالك احنا واو ومعرف ايه وكيف تفكرين وانتي عارفه المجتمع كيف تفكيره و وو وعساس اهلنا بيسمحوا لك!!) تحطيم على كلام ما له اي فايده ووجع راس!
لما نطلع ما تهتم للبسها , اوك مش مهم بس بترتيب ع الاقل بعدين تقول انتي بتخلين الناس بيطالعوا فينا عشاني محجبه ولا لابسه ملون!
ناقشت صديقه قريبه لي بخصوصها وقالت لي اختك غريبه بس ما ساعدتني كثير!
احتاج اناقشها واحتاج اشجعها بس انا عارفه انها فاهمه! بس لما تقولي هذا الكلام وتفكر بكلام الناس يوجعني راسي وابي اقولها كلام يخليها ما تهتم! ونطلع بدال ما تقول الناس بتطالع فينا! تتطنش وتعيش!
اول ما كانت كيذا! كانت تشجعني بس تغيرت علي لما صرت اطلع كثير وصار عندي صاحبات وتغير تفكيري كثير! بس لما اناقشها في الموضوع وايش سبب هالشي تجي تحط السبب في حجابي!!
الفتره الاخيره اكتشفت انها تحرض اخواني علي الحمدلله اخواني ما يهتموا وعارفيني!
انا اعتذر بديت اهذر بس الشكوى لله
اللهم اني وكلت امري اليك!!