نفس السؤال

لا ماينفع تكشني فيه بصل انا بحضر الكشنة في قدر وبعدين اضيف الرز والكشنة. في طاهية الارز وطبعا تضيفي لكل كوب رز كوب ونص ماء ويصلح تسوي فيه محشي ورق العنب والكرنب جربتهم وطلعوا روعة وفيه بنات يسوا فيه محشي كوسة وفلفل ،،،جربت فيه كمان المقلوبة بقلي االبدنجان والبطاطس برة واسوي الدجاج ومن ثم نرص الطبقات في طاهية الرز ونضيف رز وماء وخلاص ،،احلي شئ انك بتشغليها وتروحي وهية تسوي الاكل وتفصل لوحدها وتظل علي وضع تدفئة ليظل الاكل سخن ،،بتاعتي نوعها امبريال تشيل كيلوين رز وسعرها كان 99 ريال

انصحكن فيها يابنات روعة والله خصوصا برمضان وفيه منها تشيل كيلو رز وسعرها بيكون 69 او. اكثر بقليل

نسيت اقولكن فيها مصفاة لتسوية بالبخار. تضعي عليها خضار شرايح وبيستوي علي البخار اللي طالع من الرز ،،ن كمان بسخن فيها الرز لو بايت وبيطلع كنه طازج ،،،كمان فيه منها نوعين نوع اللي الاخت حطت صورته وهذا اللي عندي وممتاز ونوع تاني بنفس الوظيفة لكن شكله مختلف عبارة عن حلة فوقها مصفاة ثم غطاء بايركس. ماحبيتها لأن حسيت التانية محكمة اكتر وكمان لو انكسر غطاها البيركس بتخرب ،،،يارب اكون افدتكم

نسيت اقولكم حاجة كمان ،،جربت اسوي فيها كس س او مفتول ،،بنملي اقل من نصها ماء ونضع الكس س في قماشة داخل المصفاة تبع الطاهية ونقفلها ونشغل. وتظل وقت اللي تحبيه ومن ثم تفصلي الكهربا ،،،كانت روعة واستوي كويس بس لازم تنتبهي لا تنشف المية وتخرب الجهاز ،،،.المعذرة سعة الطاهية تبعي لترين وليس كياوين الا هذه امانة ،،،لو بتذكر شي تاني برجع ان شاء الله