احتاج جواب عاجل ،، عن إبر التفجير،،،،

مرحبا يا قمر

انا رح ارد عليكي من خلال تجربتي انا

انا حامل في بنوتي الأولى و حملت فيها بعد ما اخدت كلوميد و الأبر المنشطة ومن بعدها ابرة التفجير و حكالي دكتوري في الأردن اني اعمل الفحص بعد 14 يوم لكن انا استعجلت و عملته بعد 9 ايام في الدم و كانت النتيجة 11.8 و رحت على الدكتور حكاللي انها ضعيفة و ما بتعطي اي استنتاج و لكن في احتمال انك حامل و حكاللي عيديه يوم 14 سالته ليش هلأ ما ببين رد انو انا اخدت ابر منشطة و ابرة التفجير نفسها فيها هرمون مستخلص من بول النساء الحوامل و عشان هيك ممكن 11,8 اللي طلعت معك نتيجة هادا الأختلاط

و عملت يوم 14 و كانت النتيجة 115 و الحمدلله طلعت حامل


اما بالنسبة للسفر انا هلا في الشهر السابع و سافرت الأسبوع الماضي بالطيارة و كانت مدة الرحلة 4 ساعات رايح و اربعة جاي
و الحمدلله كل شي تمام بس انا سالت دكتوري اول

احسن اشي تعملي الفحص بعد 14 يوم من الجماع اللي تم بعد ابرة التفجير و نصيحة ما تعملي فحص الحمل المنزلي و اعملي فحص الدم الرقمي في المختبر