احتاج حل لمشكلتي

السلام عليكم ورحمة الله وبركاته انا عندي مشكله وماني عارفه لمين اقولها شفت التطبيق هذا بقوقل وقلت انزله واكتب لعل في احد يعطيني حل مادري اذا التطبيق مهجور ولا في ناس تردي فيه بس تكفون ساعدوني يابنات انا عندي صديقه اعرفها من خمس سنوات نتواصل انا وهي بالجوال مانعرف بعض بالواقع هي تسكن بعيد عني وعرفتها صدفه من قروب وانا طبعي خصوصا بالجوال ماحب اتكلم كثير واسولف بالواقع يمكن ايه وهي عكسي تماما دخلت علي قبل خمس سنوات بالخاص جايه من القروب وهي من بدايتها تسولف وتتكلم ورسايل كثيره ورا بعض انا انصدمت منها بس انها والله عسوله ولطيفه وكلامها عسل من خمس سنوات اعرفها وهي نفس الشي ماتغيرت تمدح وتسولف وتكتب جرايد كثييير لدرجة اني مالحق ارد عليهم وتزعل مني ليش مارد عليها وعلى جرايدها وانا اخاف تزعل والله اني احبها بس الحين ماني قادره استحمل الوضع خلاص مدح وسوالف اربع وعشرين ساعه وتبيني ارد اول باول مادري وش فيني البنت حليله بس مادري ليش انا خلاص ماعد صرت اتحمل واحسني كارهته وحساسه وتزعل بسرعه لاني بس قررت اقابل حياتي وابعد شوي عن رسايليها ويوم اقولها عن وضعي واصارحها تقول تمام وتسكت وتغيب ايام بس علشان تعلمني انها زعلانه وكذا خلاص ماصرت اطيق حركاتها صرت بس اصحى ارد على كل سوالفها بساعات هي تكتب وتتركهم بالمحادثه اصحى ارد عليهم وتكتب نفس الشي ماتوقف وتمدح بس هي من اسلوبها كذا صار ماعندي ردود لكلامها فاصارت تزعل ليش مارد على المدح اليوم بعدت عنها بشكب كلي كملت يومين ماعلمتها بشي بس اختفيت لاني جربت مليون مره اقولها اني احتاج وقت واني تعبت بس تقلب الشي لصالحها ويصير هي الي تعبانه مو انا فا يابنات ساعدوني انا احبها والله واقدر كل الرسايل الي ترسلهم بس مدري وشفيني مادري هي تراكمات ولا وشو هذا مو من طبعي اني اسحب واكره شخص ابدا على الكلمه الحلوه ارد بمليون كلمه زيها بس تكفون عطوني حل وردوا علي