احتاج دعوة

مافي اكتب قصتي بالتفاصيل
بس باختصار اتزوجت اطلقت وكان زوجي يعاملني بكل قلة ادب وعدم مسؤوليه واهمال الين فجاه اتغير بعد ما كان كويس معايه وصار يتركني عشان يبغا ينبسط مع اصحابه لدرجه بدأ يوهمني انه مو طايقني لانه اكيد في احد عاملنا سحر
وبعدها اكتشفت انه له علاقه مع واحده مطلقة واكتشفت انه حق سهرات وشراب وانا لما اكتشفت سكت ما واجهته وجلست ادعي له تالين جا يوم قلي ما ابغاك انا اكرهك ما اطيقك وطلقني
ورجع بعدها يحاول يكلمني نرجع لبعض وانا ما بينت له اني عرفت ولما وافقت نرجع عرفت انه كان يبغا يرجعني عشان البنت اضارب معاها
ولما رجعت له صرف نظر عني بعدها واجهته وياليته اتمسك فيني حتي باع وبكل قلة ادب يقولي حبيتك واسلوبك السبب مع اني والله ما كنت اقصر
انا يا بنات كان يلمح لي بدي الحاجات بطريقه غير مباشره بس انا ما افهم ما اعرف اللي يشربوا كيف شكلهم هو اصلا كان يترك البيت كثير
المهم ما جاريته في دي الحاجات وقلت له لما لمح انه حرام دي الحاجات
باختصاااااااااار بنات قلبي موجوع انا حبيته من قلبي
واهانني واهان كرامتي انا كنت بالنسبه له لعبه اتزوجها لغرض وخلاص
تعبانه وكل يوم ادعي انه ربي ينصرني
تخيلو انه لما واجهته بخيانته وكذبه يقولي حتي انتي خاينه انصدمت ما اظن في احد في الحياه وفي قدي رغم تقصيره
والمشكله بعدها ضعفت ورجعت كلمته قلت يمكن ربي يهديه عشان نتفاهم يقولي انا زعلان اني عاملتك بدي الطريقه وانه ادبك السبب في اني بلوم نفسي بس بكل صراحه ما ابغاكي انتي مو مزاجي
صدمنيييييييييي
والبنت اللي يعرفها استغفر الله ما هي كويسه تجلس مع اصحابه وتدخن وتشرب وشكلها غريب مره والمشكله عارفه انه متزوج
حسبي الله عليه ونعم الوكيل فوضت امري لله فيه انه ربي يبشرني برد كرامتي ويذله ليه ويعرف قيمتي
وحسبي الله علي كل شخص يخون الامانه ويكذب علي بنات الناس
يارب خذ بيدي وارزقني نعمة نسيانه وخرجه من قلبي ومن عقلي وامنع عقلي بالتفكير فيه وعوضني بزوج يقدرني ويحترمني ويحبني
منه لله كسرني الله ينتقم منه
امييييييين
ابغا دعوه يا بنات ما ابغا حل ابغا دعوه من قلب ابغا ربي يشفي قلبي منه وانه يقويني وياخذ حقي وينصرني