احتاج راقي في الرياض

السلام عليكم اخواتي مساء الخير،
انا مثل ماهو واضح بالعنوان احتاج لراقي في الرياض يستقبل حريم بدون محرم ومن غير ماياخذ فلوس،اختي جربت المنتديات والرقية مع شيخ وبدون شيخ ترقي نفسها وتتروش حسب تعليمات الشيخ السحر ما فك يفك شي خفيف ويرجع اقوى من اول ،وهي على طول تحصن نفسها وتقراء البقرة يوميا غير الورد اليومي،ومع دا كلو بتستحضر في اي وقت واي مكان واكثر شي في الصلاة والله حالتها مايعلم بها الا ربي تعبت ويأست من العلاج والرقاة الله يهديهم اسعارهم غالية على الجلسة احيانا توصل ل٥٠٠ريال ارخص جلسة لقيناها ب٣٠٠وماقدرنا لانها اكيد حتحتاج اكثر من جلسة وحالتنا المادية ماتغطي مصاريف الشيخ،احتاج لرقم راقي ماتكون ارقام قديمة في الرياض ويستقبل حريم بدون محارم ماعندنا محارم يرضو يروحو معانا ابدا ،ورقيه فردية لانها مع الرقية الجماعية بتتعب وقدام الناس صعبة جدا،اتمنى تساعدوني الله يكتب لكم الاجر ويفرج عنكم كل كرب.