احتاج رايكم الله يوفقكم

السلام عليكم ، اللهم صل وسلم على محمد وعلى ال محمد .. اولا قبل تقرين اذا عندك رد سيء رجاء لا تكتبينه اطلعي لان وضعي النفسي سيء جدا واي كلام ممكن يأثر فيني فرجاء لاتجرحيني


انا لي فترة طوويلة تقريبا من سجلت هنا يعني من ست سنين تقريبا !وانا أبي اكتب هالموضوع لكن أأجل بدافع الحياء لكن مع اللاسف الفترة الأخيرة صبري نفذ خلاص
انا عمري 26 سنة مب متزوجة مشكلتي أني عاطفية جدا وعندي فراغ عاطفي كبييير أحتاج رجل بحياتي يكون لي أمان وأحتاج اولاد احتياج نفسي وفطري
انخطب لكن كلام فقط مافيهم احد جا رسمي وانا عرفت عنه
خطباتي أغلبها عبارة عن سؤال مفاجئ من زميلات أو استاذات بالجامعة وكلهم بنفس الصيغة عادي تتزوجين الحين بخطبك لكذا !
وانا انلخم ولا ادري شقول يصير ودي وأتمنى بس من الحياء اقول لا لانهم بوجهي وينتظرون كلمة مدري ليه ارد بهالرد !!
وبالمقابل عرفت بالصدفة شي كان خافي عني
أني انتمي لعائلة غنية ومعروفه بالسعودية بمجالات معينة ولنا صداقات بعوائل غنية آخرى( ماحب اتكلم عن حياتي بس عشان تكونون بالصورة ) بنات خالاتي من عائلة ثانيه وأقل مننا ماديا واجتماعيا وعرفت انهم شغالين سب فيني عند معارفنا كلهم اقارب واصدقاء أني انا وأخواتي مرضى نفسيين !! واننا مغرورات ولا نبي نتزوج أحد اقل مننا ! مع اني انا واخواتي مب كذا ابدا بالعكس احنا بسطاء جدا بالمظهر والكلام ولا نهايط على احد ! يعني بالعربي قطعوا نصيبنا بكلامهم تصورو أن فيه ناس طلبوا منهم يخطبوني قالوا لهم وش تبون فيها هذي مريضة وبتتعب ولدكم وبتخسره !! تخيلوا ! يعني الناس صارت ماتبي تخطب مننا ويحسبونا كذا صدق !
حسبي الله ونعم الوكيل فيهم وأبوي مايرضى يزوجنا أي احد ماقصد الفلوس لا يهمه النسب كثيير مايبي يزوجنا احد مايعرفه ! تخيلوا طيب شلون نتزوج احد نعرفه والناس اللي نعرفهم مايبون يخطبون مننا !


والله العظيم يابنات عاطفة الامومة بتذبحني خلاص ودي أكون أم ودي خواتي يتزوجون امرنا متوقف
انا فكرت أكلم صديقتي هي عندها اخوان أكبر مني ويدورون لهم عادي لو أقولها عن رغبتي بالزواج ؟ بس مدري عن تفكيرها
خايفه اتفشل عندها يصير مالها نظر فيني وخايفه يخطبون وأبوي يرفض وانا ابي اتزوج :( مدري
تكفون ادعوا لي ولاخواتي بالزواج والسعادة ويكفينا شر من بنفسه شر