احتاج شورتكم جميعا .. معاناتي مع زوجي

السلام عليكم بنات عالم حواء المحترمات،
انا متابعه قديمه جدا للمنتدى ومشاركه ايضا لكن نسيت الرقم السري للعضويه ولم اعد استطيع الدخول.... المهم حبيباتي
مشكلتي مع زوجي من زمان، وهو حبه في السيطره على كل شي، يمنعني من اتفه وابسط الأشياء مثل الصالون،. المحل، السوق، اي شي ممكن تتخيلون يمنعني منه. سكتت لفتره لكن بعدين تعبت وقررت ما اسكت و زادت مشاكلنا وياريت صار شي مفيد،. ابد اللي براسه مستحيل يغيره، تعبت لدرجه مرة قررت انتحر لكن خوفي من الله منعني، لأن هذي مو حياه هذا سجن مؤبد.
تدرون بعد فتره خلص اتأقلمت انشغلت بالطبخ والأطفال والتواصل ففط عن طريق الانترنت مع الصديقات، لكن هالمرة تعدى لمن شافني طعته ومشت الأمور مثل ما يبي وصل به الحال إلى أن يطلب مني عدم دخول الواتساب، قلتله ليه شنو السبب، مافي سبب ابدا،. بس قال لي انا منعت شي معناته لازم تطيعين واذا ما طعتي لا تلومين الا نفسك.
اول ايام دخلت كذا مرة ارد علي صديقاتي، وهو مراقبني متى افوت ومتى اطلع،. تصورو هذا وهو في شغله يراقبني، بعدين كبر المشكله وعصب وتهاوشنا وقررت خلص راح احذفه وامشي علي كلامه. لكن تدرون انا مو مقتنعه ابدا، ومو سعيده بقراري، لكن ما ادري شنو الحل ولذلك اطلب مشورتكم ، الكبيرة والصغيره واي وحده عندها حل ممكن يفيدني رجاءا اكتبولي اياه لاني ابي اتخذ قرار يرضيني مو ففط يرضيه هو، ياريت الكل يشارك لاني فعلا بازمه ما يعلمها غير رب العالمين، ولا ادري لمن ألجأ ولذلك لجات إليكم. فلا تقصرو معي برأيكم لعله يكون مخرج لي. وشاركتلكم اهتمامكم.