احتاج لخبرة الحكيمات

السلام عليكم ورحمة الله وبركاته
سأطرح مشكلتي وارجوا من الجميع و من المتزوجات صاحبات الخبرة بإفادتي لعل وعسى أن أجد حلاً أو جواباً ينير لي طريقي
في البداية ومن يوم عمري 20 وحتى عمر 39 تقدم لي الخطاب وكنت ارفضهم لأنهم معددين حتى تقدم في العمر ونتيجة الضغوط من قبل الاهل و المجتمع ورغبة في الأمومة قبلت برجل متزوج عندما تقدم لي بعمر 40 تزوجت به ولم أشعر بالفرحة كأى عروس و تقبلت نصيبي لكن الذي تاعبني طوال السنتين التي عشتها معاه هو شغل الكيد من قبل زوجته الأولى وعياله الذي لا ينتهي تعبت تعبت طوال السنتين لم يظل معي يوم كامل دائم أخذه يومها وفوقه يومي وماتجيه بالصريح مرة تتصل عليه من عمله في اليوم الذي هو المفترض يجي عندي وتخلي احب عياله إلى قلبه يكلمه ويقوله امي تعبانه تعال وتروح 4 و5 ساعات عندها بحجة أنها تعبانة وقبلها تتصل عليه لاصار يومي وبيجييني وتأخذه مشواير مرة ودني لأهلي في مدينة أخرى في جمعه عندهم وهي توها جايه من عندهم والله طوال السنتين مشوايرها كلها في يومي وتأخذ نصفه وأحياناً كله ويجي عندي تعبان ولا عمري اقتصيت ولا أخذت من يومها اي شيء ولا اتصلت عليها في يومها وهي أنواع الاتصالات والاعذار والحيلة حتى بناتها علمتهم الحيلة صارن مثل امهن يتبلن علي ماعدا العيال وبنته الكبيرة.
التركيز على عيوبي وتكبيرها في عيونه تقوله اني عظام ولاني عجوز رحمها مايمسك شيء تجهض وتقوله تبي تجوزه الثالثة وجاني وكلمني قال بتجوز عليك الثالثة وبتروح ام فلان تخطبها لي قلت له الأمر يخصك ولو تبي اروح ماعندي مشكلة وجد يابنات ماعندي مشكلة يتزوج عليا هذا شرع الله بس ابيه يعدل و مايسمع لها والمفروض من تتكلم عني يسكتها والله في بداية السنة الأولى وانا اطالبه بالعدل وبعد شهر من زواجي تعبت وسكت وسكوتي هذا اتعبني وخلاه يقصر أكثر بحقوقي
اجهضت كذا مرة ما يكمل 4 شهور الا وينزل وانا باختصار شخصية ماتحب المشاكل ومسالمة والله ما ابي عوار الرأس والمشاكل اللي بحياتي السابقة اتعبتني جدا خلتني بس ادور السلام وهي انسانة تحب الكيد والحيل جربت معها الكلمة الحلوة والهدية مافي فايدة امرأة تبي طلاقي.