احتاج لدعمكم تكفون .. انا تعبانة

ولدت قبل شهر و نص . وكنت فرحانة موت بولدي حسيت اني ملكت الدنيا هذا كل اللي اتمناه من الدنيا

وحلفت اني اعطيه الحنان اللي انا انحرمت منه بموت امي ونا صغيرة وما اقصر عليه بشي ابد

واول ما شفته بالولاده قلت الحمدلله يشبه ابوه ( طول فترة حملي اقول لزوجي ابي ولدي يشبهك )

حتى اني ما قدرت انام بهالليلة على الرغم اني ليلتين قبلها ما رقدت

وبعد يومين طلعت بولدي من المستشفى فرحانة موت وجلست يوم عند ام زوجي ورجعت بعدها

للمستشفى علشان تحليل البو صفار وآآآآآآه ليت هاليوم ما جا ابد

ورقدت مع ولدي علشان كانت نسبته مرتفعة 21

وبعدها بيوم قالوا لي ولدي اللي حلمت فيه طول عمري حتى اسمه اخترته من يوم كنت مراهقة

احتمال يكون عنده متلازمة داون

كل شي فيني لحظتها مات ولا زال قلبي ميت لهذا اليوم

كرهت المستشفى وكرهت الاطباء كل واحد اقسى من الثاني حتى ما راعوا اني ام وقالوها لي بالوجه

وكنت بروحي ما وياي احد

حاليا انتظر نتيجة تحليل الكروموسومات ولا زال عندي امل بالله انه يكون سليم

خصوصا وان الاعراض الي فيه موجودة بناس من عايلة زوجي وهم سليمين ما فيهم الا العافية

بس خايفة وايد وما ابي اعطي نفسي امل وانصدم

على العموم ما غيرت عاداتي لا زلت اقرأ له القرآن ولما اكون مشغولة اشغل له القرآن بالكومبيوتر

هذا الشي اسويه من قبل الحمل الى اليوم

اخواتي انا محتاجة لكم .. نفسيتي تعبانة وايد