احتاج للحكيمات ,,,,

السلام عليكم ورحمته الله وبركاته


اسعد الله مساءكم حبايبي ,,


بدخل بالموضوع على طول واحتاج مشورتكم .. انا اختي متخرجه وملكت الحمدلله لها قريب الشهرين ,, زوجها يدرس الطب بالاردن وهذي اخر سنه وبعدها الامتياز وابوه متزوج اربع حريم ,,,
زوجها قد مزح مره معها قالها لو اسوي مثل ابوي وش تسوين وردت عليه ومن بعض كلامها قالت اشوف بعدين اذا قدرت تاخذ علي والا لا ,, واعجبه الرد وقالها انا احب امزح كذا لانه يعجبه طريقة ردها وكلامها ,, وقبل يومين قالها انه متزوج مسيار هناك من وحده كويتيه وجلس سنه وطلقها ومايدري عنه الا واحد من اخوانه بس ,,,, وسكتت هي ماردت ابد من الصدمه تقول مدري وش اقوله وبعدين ضحك وقالها اني امزح وجاب طاري صديقه انه متزوج مسيار هناك ولما اهله خطبو له وحده اكتشفو بعدين انه متزوج مسيار وصارت مشاكل ,, وقالها الواحد اذا تزوج مسيار يعف نفسه عن الحرام قصده انه اللي برا يكونون بعاد عن اهاليهم مع انه ابد مو عذر ,,


اختي حبيبتي تقول مدري هو مزح ولا جد ,, دخلها الشك وانا بصراحه مثلها افكر اقول يمكن قصده يلمح لها ,, ويمكن صدق يمزح يبي يشوف ردة فعلها وكيف تغار عليه ,,
انا محتاره صراحه فكرت اقول لواحد من اخواني واشوف وش يقول ,, بس مدري اقول ماودي استعجل بشي ,,


اللي عندها شور ولا شي غاب عن بالي تقولي الله يسعدها ,,


الله يسعد قلوبكم ياارب ويرزقكم باللي تتمنوووون واكثر ..




كل الود لكم