احتاج مساعدتكم

السلام عليكم بنات.انا جديدة في المنتدى هذا سجلت فيه بس عشان اعرض عليكم مشكلتي اللي خلاص ياست منها.مشكلتي بكل اختصار انا مش راضية عن نفسي ابدا لاعندي جسم زي الناس ولاشكل وفاشلة بكل شيء اول شيء وزني زايد وجسمي مترهل خاصة الصدر عندي مترهل ونازل وكبير بسبب السمنة اللعينة زي الحريم الكبار وكل ماابدا برجيم اتكاسل بسبب اختي اقولي انتي مافيكي شيء انتي موسوسة بصراحة كلامها يجنني ويضايقني لاواحيانا تجيب لي اكل وتقول كلي وانا اخد عشان لاازعلها.الشيء الثاني عندي رهاب اجتماعي مااقدر اتكلم مع الغرباء اتلعثم لدرجة ضيعت فرص مثير على نفسي وكل مااقول لاختي تقول مافيكي شيء انتي طبيعية بعدين حلو خلي الناس تنفر منك الناس مايجي منهم غير المشاكل واذا صار عندي صديقات مثلا او اذا في شخص حابب يرتبط فيني تحاول تبعدني عنهم تقول لي الناس هاذول حيجيبوا لك النحس واذا طاح شيء مني مثلا كاسة تقولي شفتي قلت لك انهم نحس ابعدي عنهم..طبعا امي متوفية وهي ربتني اختي هذه.بصراحة انا وصلت لمرحلة احس انه انا خلاص واذا حابة اخرج عندي اي وحده من صديقاتي تقولي خليكي بالبيت طنشيها.والله العظيم كارهه حياتي احس انه انا غير عن البنات عمري 26والناس صارت تنفر مني متضايقة بصراحة لا واذا عندي صديقات فاشلات وزنهم زايد عندها عادي اصحابهم واذا ابتعدت عنهم تقولي لييييش بصراحة عمري26ولامرة حسيت انه انا بنت زي كل البنات والله كارهه نفسي احس نفسي بموت قريب صرت العن نفسي واصل ولضرب نفسي بسببها .وصار عندي احباط فضيع كل ماابدا بشيء مااكمل فيه وشيء ثاني يضايقني زوجة اخي تجي تشتكي لاعندي ليش تجي لعندي عشان انا ضعيفة صح احس محد يحبني يجي يوم ميلادي ولااحد يعبرني اذا في يوم ميلادي محد عبرني كيف اذا مت انا دايما اقول لنفسي انه اذا مت من بيحضر جنازتي؟اكيد محد والله وصلت لمرحلة متقدمة حتى الصلاة ماعاد اصلي زي اول صار اماني ضعيف ومتاكدة انه بيجي يوم وبقتل نفسي. الله يخليكم ردوا عليا