احتاج مساعدتكم

بسم الله الرحمن الرحيم
اول شي بقول اني اول مره اشارك في منتدى لاكن من حيرتي ماني عارفه ايش اسوي و لقيت ناس بتتكلم عن موضوعي في المنتدى بس التاريخ كان قديم محتاجه اسمع ارأكم لاني جداً محتاره
الموضوع اني اتزوجت بدري و ما صار نصيب و اتطلقت و انا حامل رحت الدكتور في الشهر الرابع و قال انها بنت وانا كنت ابغى ولد مو عشان اني ما احب البنات ولا عشان كلام الناس عشان البنت دايماً تحتاج الاب وكل يوم اشوف في الاخبار بنت بعد ما اعطو الحضانه لامها رجعوها لابوها و اشوف الاب يبكي يبغى البنت والاب يبكي يبغا بنته وانا اتعقت الصراحة من الموضوع وصرت خايفه كمان اذا اتزوجت ومعايا بنوته كيف حيكون زوجي والخ المهم فا صرت ادعي انو السونار يطلع غلطت وانا والله كنت اقيم الليل و ادعي قبل لا احمل و قبل اي شي بس صرت الح في الدعاء وكان يقيني بالله انو ربنا بيستجيب دعائي والمره الي اروح فيها المستشفى الجايا بيقولولي انو ولد وقعدت ادعي كل يوم لين الشهر السادس ورحت المستشفى واكدولي 2 من الدكاتره انها بنت انا رضيت وحمدت ربنا رجعت البيت افكر اقول يمكن ربنا يباني استمر في الدعاء اقول يمكن السونار يكون غلطت فنفس الوقت اتذكر شكل الدكتور وهوا يقول 100% بنت ورجعت افكر فتحت النت ولقيت وحده فنفس موضوعي بس التاريخ كان قديم وما قدرت اعرف ايش صار معاها انا ماني عارفه استمر في الدعاء عادي ولا خلاص احطت في راسي انها بنت الي خلاني افكر في الموضوع انو ناس كثير بيقولو بنت و يطلع ولد عشان كذا حابه ارأكم