احتاج مساعدتكم

السلام عليكم خواتي كيف حالكم؟
مالي بعد الله غناء عنكم خوات عزيزات واعرف ماخاب من استشاركم ..رجاءً انا جيت افتح قلبي لكم وابي حل مابي ردود جارحة وقاسيه فيني اللي كافيني ماعندك رد ارفعي الموضوع واكون لك من الشاكرين..
انا عندي بنت وولد البنت١٠سنين والولد٨سنوات
الله يصلحهم عن عشرة اطفال اتعبوني بكل ماتحمل الكلمة من معنى ولدي مريض فرط حركة وتشتت انتباه. بعض الاحيان اراعيه عشانه غير طبيعي صحيح اطلع من طوري مرات منه
اما البنت حدث ولاحرج انسانه بالغه ودخلت سن المراهقة مو معتمده على نفسها بشي تعبت منها ملابسها بكل مكان تكرمون قراطيس الفوط الصحية بكل مكان جيتها بالنصح وباللين ماينفع معها لاتحترم لاكبير ولاصغير اذا كلمها اخوها بشي صرخت ذيك الصرخة اللي يسمعها سابع جار انسانه صعبه تعبت معها لا احساس ولاشي تعبتني يابنات اذا قلت لها انتي كبيره اعتمدي على نفسك تلف وتدور بالموضوع لين تطلعني الغلطانه !!تقول انا كبيره طيب ليش ماتخليني اطبخ !زي كذا تلف الموضوع عليك عشان تخارج نفسها
فشلتني بالمدرسة كل شوي هوشة مع بنات صفها وكل شوي استدعاء لي حتى المرشدة قالت اعرضيها على اخصائي نفسي 😔تعبت يابنات من كثر مانا تعبانه منهم ماعرف وش اكتب وش اقول لعبهم ضرب وصراخ وشتم عمري ماشفتهم يلعبون هادين
اذانادوا بعض كل واحد يقول كل ز….وهواش محد يبي يكلم الثاني واذا جلسنا انا وابوهم مالنا سالفه السالفه لهم وطلباتهم ومشاكلهم يابنات انهدحيلي مناديل وقراطيس بالارض حطيت بكل مكان زباله تكرمون وانصح وانكلم بالقسوه ولاباللين ولاكني اتكلم هبلوافيني متخيلين مرات يطقون ٢٤ساعة مانامو! اني مانام منهم كل ماغفيت صراخ ماما شوفي ماما اقسم بجلال الله يابنات ان صارلي سنتين ونص اخذ ادوية اكتئاب بسبتهم ماني قادره عليهم ماني قادرة اربيهم احس انا تعبت نفسياً منهم ماقدرت اقوى انهرت خلاص عرفتوا اللي مافيني احرمهم من شي عشان ارتاح من حنتهم هاذي اللي وصلتها الان لاني تعبانه نفسياً منهم لانوم لاراحة لاشي اذا طلبت لي ملابس ناشبوني وكشت البنت وانا ليش ماطلبتي لي !!طيب الشهر اللي راح طالبه لك؟
اذا رحت لاهلي وجلسنا نسولف تكش وانا ليش ماتسولفون معي تبي السالفه كلها لها!!اذا نامت مثلاً وقت عصر وطلعت زعلت ليش ماقلتي لي ليش ماقومتيني ! تعبت يابنات قلبها حجر الولد صح متعبني بحنته وتعبه بس لانه موطبيعي ماشره عليه واللي حولي يقولون لو اخته عاقله عقلته معها بس هو مولاقي اخت زي الناس وصلت مرحله اذا رحت لاهلي ماودي ارجع البيت احس بخوف كرهت بيتي اذا سمعت كلمة ماما اخاف اقول اكيد فيه شي اكيد صاير شي كل شي سويته قلت لهم بدخلكم نادي صيفي فيه انشطه مايبون يبوني معاهم بكل شي وليته حب لي لا يبوني مثل الخادمة لهم تكفون بنات شوروا علي وش اسوي