احتاج مساعدتكم لو بدعوه 🥹

اهلن ي جميلات
ان شاء الله كلكم بخير !
بنات انا ماسجلت بالمنتدئ الا ابي مساعدتكم او اللي مرت بنفس تجربتي تساعدني 💔
انا يابنات عمري ٢٨ سنه ، ومن قبل ١٥ سنه كانت تجيني دوخه ودوران قويه وبعدها صارت تجيني مرا كل شهر او كل ٦ ششهور
المهم
ماخليت مكان مارحت له مستشفيات رقاة طب شعبي
ولافاد معي اي شي
تركت الجامعه بسبب الدوخه تجيني بدون سابق انذار فجاءه
المستشفئ قالو مافيك شي ممكن شد عضلي
والمستشفئ ثاني قال التهاب بالعصب السمعي اللي هو الدوار الدهليزي
والدكتور الثالث قال ارتفاع بااضغط الاذن
يعني كل شوي كلام جديد
والرقاة قالو سحر مشروب ودوختك من بطنك
والحين معاي جرثومه معده 💔 ،
وبديت ارقي نفسي واستفرغت وجتني دوخه قويه وبعدها الحمدلله مااحس بشي
بس الحين يابنات صار مدري هو خوف او تعودت اني اراقب الدوخه مدري شعور غريب
الحين مافيني تركيز احس اني لازم انام واحس عيني ثقيله ودي وابكي وخايفه من الدوخه وارقب وضعي كل شوي مرا تعبت واحس بشعور اني باادوخ
مدري يابنات هل هو من الخوف او صدق انا تعبانه بس متضايقه مااحب الازعاج ولااتحمل شي وربطت ع راسي بطب شعبي ولاتغير شي 💔
تكفون اللي مرت بنفس تجربتي امانه تفيديني
لاتنسوني من دعواتكم والله يسعد كل وحده ترد علي ❤️