ادعولها @adaaolha

عضوة جديدة

احتاج مشورتكم الله يسعدكم

مسائكم سعادة ورضى وراحة بال
رمضان كريم وكل عام وانتو واحبابكم بخير وصحة
بداية الكلام ودي استاذن من المشرفات بعدم نقل الموضوع لقسم ثاني عارفة ان القسم هذا عليه اقبال اكثر
انا كتبت موضوع زمان ان ماعندي ثقة بنفسي وماعرف اسولف مع الناس ومؤخراً حسيت ان السبب اهلي ,, انا امي وابوي متوفيين وعايشة مع اختي الكبيرة واخواني متزوجين وساكنين حولنا ,, انا انسانة مسالمة واجتماعية لابعد حد احب اللمة والسوالف والضحك سواء مع القريب او البعيد ,, تركت التواصل مع اهلي من سنين يعني تجين تقعدين معهم يتمسخرون عليك ويستهزؤون ويقللون من قيمتك طووول مانتي جالسة معهم وربي بدون اي سبب يسوون فيها حزب وانا لوحدي ولو جيتي عاملتيهم بالمثل قلبو وجههم ويسوون حالهم مايسمعونك اتعب وانا طول الوقت جالسة ومتحفزة لأي تعليق كني بحرب ويدقون بالكلام اني لحالي وانا اللي محتاجة لهم وهم مكتفيين بنفسهم
حاطين براسهم اني شايفة حالي ويحاولون يحطموني على اساس هالفكرة مع اني ما اطري اي شي كويس عندي قدامهم عشان ما يتحسسون ودايما امدح بأتفه شي يسوونه بس عجزت اغير نظرتهم ,, اذا يبون مني شي كأن فرض واجب اني اسويه لهم وبالفعل اسويه اما اذا انا بغيت شي يذلوني ذل
وبعضهم تجلسين معهم اخذ وعطى ومافي منهم ويوم ثاني تتفاجئين بحش فيك بظهرك وتأليف وزيادة كلام وافتراء وقصص ماعمرك نطقتي فيها
حاولت اتكلم معهم اصارحهم ما يفتحون قلوبهم لي ابد مع انهم بنفس الوقت يتحلطمون بس كل حزب يحط الغلط ع الثاني وهم اللي صح وخلاص ,, عجزت افهمهم وربي ,, اسمع فيه ناس متأذيين من اهلهم بس مو كلهم !!!
ان سكت ركبوني وان تكلمت ودافعت عن نفسي تحاشوني ,, الطبيعي اللي بحالتي رح يبعد عن الشر ويغنيله وهذا اللي سويته واختي الكبيرة سوته قبلي بس لما بعدت انتكست وحسيت اني مرضت نفسياً وزادت حالتي وش البنت بدون اهل وعزوة ؟ حسيت نفسي مقطوعه من شجرة لا ف بعدهم ارتحت ولا بقربهم يعني حتى فقدت مهارة التواصل مع الناس صرت انطوائية جداً ماعرف اتكلم طول وقتي ساكته واستحي واحس بالنقص والدونية بشكل فظيع وفقدت كل صاحباتي اللي كانو بيوم حولي
حاولت اتاقلم بدونهم وماقدرت طول وقتي بغرفتي ,, اختي اكبر مني بسنين مو نفس التفكير مو زي اللي بعمرك و حتى لو جلست معها غصب عشانها مشغولة دايم
وش الحل فيدوني الله يجزاكم خير

يلزم عليك تسجيل الدخول أولًا لكتابة تعليق.

تسجيل دخول

بريق الأمل27 • 7 سنوات

الحل حبيبتي إنك تقربين أكثر من الله لدرجة ما يبقى لك وقت تحزنين على شيء إذا أنتي مو حافظة لكتاب الله أبتدي بغرفتك إحفظيه و يوميا راجعيه و هكذا تنالين الخير العظيم في الدنيا و الآخرة أما بالنسبة لأهلك فقد قال صل الله عليه و سلم "المؤمن الذي يخالط الناس و يصبر على أذاهم خير من المؤمن الذي لا يخالط الناس ولا يصبر على أذاهم"

ادعولها • 7 سنوات

بريق الأمل27 :

الحل حبيبتي إنك تقربين أكثر من الله لدرجة ما يبقى لك وقت تحزنين على شيء إذا أنتي مو حافظة لكتاب الله أبتدي بغرفتك إحفظيه و يوميا راجعيه و هكذا تنالين الخير العظيم في الدنيا و الآخرة أما بالنسبة لأهلك فقد قال صل الله عليه و سلم "المؤمن الذي يخالط الناس و يصبر على أذاهم خير من المؤمن الذي لا يخالط الناس ولا يصبر على أذاهم"

الحل حبيبتي إنك تقربين أكثر من الله لدرجة ما يبقى لك وقت تحزنين على شيء إذا أنتي مو حافظة لكتاب...

كلامك جميل ودخل قلبي الله يسعدك

اسار الياسمين • 7 سنوات

كلنا مرينا بصعوبة مع الاهل لاننا مانقدر نختارهم
لكن تذكري فضل صلة الرحم و اجر العفو عن الناس
اشغلي وقتك بعيد منهم
اقري كتب .. ادخلي دورات .. تابعي محاضرات
تواصلي مع صديقاتك بالواتس وزوري صديقاتك
التحقي بدار تحفيظ و حتلاقي صحبة صالحة

ادعولها • 7 سنوات

مشكورين حبيباتي ع الرد

المشكلة ماعندي صاحبات ماعندي الا وحدة وتكلمني للمصالح فقط عشاني مملة ماعندي سوالف
الاقارب كل م حاولت اتقرب منهم يحسسوني اني وحيدة وترى انتي غصب عنك تجينا وماعندك غيرنا مرة بالتلميح ومرة بالتصريح هالشي يوجع خصوصا اذا كان بدون سبب
ولا يقطون اسئلة مالها داعي مثل وش تسوين لحالك بالبيت اوف بس جالسة لوحدك؟ ملل اكيد بس ع النت
كلامكم منطقي ولا غبار عليه وبالنهاية ماعندي غير اهلي بس بنفس الوقت صعب اطبقه مع تصرفاتهم

بريق الأمل27 • 7 سنوات

ادعولها :

كلامك جميل ودخل قلبي الله يسعدك

كلامك جميل ودخل قلبي الله يسعدك

و يسعدك حبيبتي أنصحك بكتب تطوير الشخصية حلوين بيساعدوك 💕