احتاج مشورتكم تكفوووووون قسم بالله ضايقه ومحتاره

السلام عليكم
بنات وربي احس بضيقه واكتئاب مايعلم به الا الله
فقررت استشيركم يمكن القى عندكم الحل
تكفون حسوا فيني وشيروا علي
انا والده يوم الاثنين اللي فات وطلعت من المستشفى الاربعاء
وقعدت عند امي
على اساس اقضي عندها الاربعين
انا اصغر البنات
وعندها بالبيت اخوي اصغر واحد عمره 15 مراهق
وعندها اخوي مطلق زوجته ساكن عندها وعنده بنات اثنين اعمارهم 3 و 5

المشكله ان مابالبيت حرمه الا امي وهي حرمه كبيره لكنها ماشاء الله نشيطه
وتسوي اشغال البيت كلها بنفسها وماتحب الشغالات
لكن عندها هوس نظافه وترتيب مو طبيعي
وتكره اي شخص يحوس البيت وتدعي عليه حتى لو كانوا عيالها او احفادها
علشان كذا خواتي اذا سيروا عليها يتضايقون وهي تشتم وتسب في عيالهم وتضربهم
لدرجه ان خواتي مايسيرون الا بالاشهر ومع كذا ماتشتاق لهم ولا تبيهم يجونها ابدا
علشان عيالهم مايحوسون البيت
انا الحين نفاس وبكريه وتعرفون النفاس تحتاج احد يهتم فيها خاصه بأول مولود وانا تعبانه
خاصه من الخياط يوجعني مره وبنتي الصغيره تعذبني بالرضاعه ماترضع زين فصرت عايشه هم في هم وألم وحريتي مقيده وزاد ألم خياطي من كثر مااجلس احاول ارضع بنتي
واحتاج احد يساعدني عالاقل يهتم ببنتي
ابي اظل مرتاحه
تعبت من كثر مااقوم اروح اجيب لي اغراضي من الغرفه الثانيه وتعبت ارتب احيانا مع امي
واقوم اسوي رضاعه لبنتي واجيب اي شي احتاجه ماابي اتأمر على أمي
وهي والله ماتقصر احيانا تغير لبنتي واحيانا تجيب لي اكل لكن من فتره لفتره
فطور وغدا وانا اجوع بين هالفترات
واستحي اطلبها لاني احس انها تتضايق
وامي ماتعرف شي بأدويه النفاس بس تسوي لي الصبح كمون
وهي الله يعينها عندها شغل البيت وبنات اخوي تنظف وراهم واعذرها اذا ماحست بالامي ووجعي وحاجتي للمساعده

وفوق كذا اخوي الصغير ابو 15 سنه مراهق هذا لحاله حفله
انسان معقد ونكدي بمعنى الكلمه
زي طبع امي مايحب الحوسه ذبحني بس يضرب بنات اخوي خاصه الصغيره ولها صياح وتجي تركض عندي تبيني افكها وهو ماعنده رحمه وانا تعبت نفسيا واصرخ عليه بدون فايده يشيلها ويطلعها برى ومايخليها تجي عندي ويضربها على اي شي وانا وضع اخوي لحاله جايب لي نكد الدنيا وتعب نفسيتي مره
يعني الزبده الوضع في بيت اهلي مايهيء جو الراحه للنفاس والاحساس ان فيه احد معها يساعدها ويسوي لها كل اللي تحتاجه حتى من غير ماتطلب
وخواتي اليوم اجتمعوا عندي كلهم بالغرفه هم وعيالهم وانواع الازعاج والصجه وانا تعبانه ابي ارتاح صح انهم جايين يسلمون علي وجايبين معاهم قهوه وشاي واكل علشاني
لكن ماحسيت باهتمام غير اقول عطوني اكل وصبوا لي
وخفت على بنتي من عيالهم مستغربين من النونو ويطالعونه ويلمسونه
ويركبون على سريري وانا ماغير ابعدهم واهاوشهم
وخواتي الله يهديهن قاعدات يسولفن
طبعا خواتي بس هاليوم اجتمعن لان امي ماتحملتهم كالعاده وضرب في عيالهم وطردتهم بطريقه غير مباشره
انا مع اني مالي غير يومين لكني تعبت نفسيا ومن اليوم اصيح وابكي من الضيق والالم والخياط زاد ألمه من الغثى
ومااحد حاسس فيني ابي ارتاح ياناس ابي احد يشيل عني بنتي ويرضعها ويهتم فيها
ودي انام والله لي ثلاث ايام حتى مانمت 5 ساعات على بعض كلها غفوات واقوم عيوني تنفخت
انا زوجي الله يخلي لي اياه لو يدري بوضعي كان ماخلاني عند امي ولا يوم هو من اول يقول انا حاس ان الوضع مايريحك علشانه يعرف وضع اخوي المزعج مع بنات اخوي
لكن انا اصرف السالفه مبيه ياخذ فكره عن اهلي سيئه واقول بالعكس امي ماتقصر معي وماتخليني احتاج شي علشان مايكره اهلي
وعلشان ماابي الناس تتكلم علي اذا دروا اني بكريه نفاس وقاعده ببيتها يقولون اهلها مايبونها
خاصه اهل زوجي بيستغربون وش بقول لهم مالقيت احد يهتم فيني! واهلي
وش فايدتهم اذا ماوقفوا جنب بنتهم في هالوضع.
زوجي قال لي اذا ماارتحتي خلال يومين ابجي واخذك لبيتنا والقرار لك اذا تبين راحتك
واقعدي ببيتك وامي بتقعد معاك
وخواتي مايقصرون معك وعندهم شغاله حبشيه جايبينها شهرين استفيدي منها
وهم بالفعل حبايب مايقصرون لكن فشله اشغلهم عندي ليه انا ماعندي اهل وخوات
وبعدين ماابي احد مهما كان انه ياخذ راحته ببيتي حتى لو كانوا اهل زوجي
لانه بيتي ومن حقي مااخلي احد يتجول فيه بكيفه
مدري وش اسوي اقعد ببيتي ولا ببيت اهلي اقعد الاربعين او اقعد عندهم بس اسبوع ولا اقعد عند عمتي هي تقول تعالي عندنا مافيه احد وحنا نهتم فيك لكن احسها صعبه اقعد عند الناس كن مالي اهل
طيب اذا رحت لبيتي وش اسوي مع الناس اللي تبي تزورني وتبي توجبني وماتقدر تجيني الا ببيت اهلي
والله محتاره وش اسوي قرروا لي تكفووووووون