احتاج نصايحكم.

عواطف تركي . :

مساء النور والسرور تلخيص مشكلتك هو انك تعطين اهتمام كبير لكلام الناس وتخافين من الانتقادات وعايشه حياتك بهاجس كيف ارضي الناس عشان ما ينتقدوني ويحسسوني بالنقص والعار والتأنيب والفشل و ... الخ من الافكار والمشاعر السلبيه الى ان تحولتي الى انسانه حساسه جداً لأي كلمه تنقال لك تدققين فيها وتضخمينها وتعطينها اكبر من حجمها وكأنها نهاية العالم وكأنك في العمق تبين تكونين محبوبه ومقبوله عند الاخرين وانك منزعجه جداً من اشارات وبوادر الرفض اللي تحسينها من تعليقات الاخرين ببساطه صححي الخلل اللي في الداخل عندك من افكار ومعتقدات مغلوطه تبنيتيها عن نفسك وعن الحياة الزوجيه والاجتماعيه وراح يتصلح الخارج وراح تصيرين قادره تتعاملين معاه بكل سهوله وبخصوص خوفك من الانتقاد بس تذكري ان كلام الناس لا يعتبر كتاب مقدس وصحيح وغير قابل للاعتراض والرفض وان آراء الناس وتعليقاتهم تبقى مجرد وجهات نظر شخصية قابله للصواب والغلط وان اختلاف الآراء وتعدد وجهات النظر لا يعني انك غلط او غير محبوبه او غير مقبوله بين الاخرين لان ببساطه الله خلقنا كذا متنوعين فتقبلي هذا الاختلاف والتنوع بينك وبين الاخرين ولا تتصارعين معاه لانه شي طبيعي جداً وخلي عندك مرونه وذكاء اجتماعي في علاقاتك مع الاخرين مو كل شي تسمعينه تعتبرينه هجوم يحتاج منك الدفاع يعني خذي وخلي وسلكي لان الحياه بشكل عام تحتاج قوة تسليك وتفويت للصغائر واذا خايفه من الغلط والتأنيب ووصمة العار واللوم اللي يحسسونك اياه الناس هنا لازم تراجعين نفسك ومشاعرك وافكارك وتنظفينها وتتحررين من هذي المشاعر والمعتقدات لانها سامه قاتله للنفسيه واكيد لها جذور من الماضي عندك من موقف او تجربه تم تأنيبك ولومك فيها وفقدتي معها شعورك بالقبول والمحبه وخلتك تصيرين كذا خايفه من كل شي واي كلمه تهزك و تحسسك بهذي المشاعر السلبيه لدرجة انك ترفضين وجودها وتحاربينها وتقاومينها بكل قوتك لكنها تزيد عشان كذا اقول صححي الداخل ونظفيه من مخلفات الماضي وآثاره المشاعريه وراح تزين امورك ارشح لك شخص بتويتر اسمه عبدالله الهاشمي مهتم بالتنمية الذاتيه ومؤلف كتاب وعنده قناة بالتيلجرام فيها كلام مفيد ابحثي عنه وبتلقين قناته رابطها في حسابه كذلك ارشح لك الدكتوره منيره الحرابي عندها قناة باليوتيوب مليانه فيديوهات مفيده جداً عن العلاقات وفي غيرهم كثير مثل د سمية الناصر و د أحمد عمارة لهم مقاطع باليوتيوب مفيده خذي وقتك ابحثي واقرأي واسمعي مقاطعهم وبالتدريج انتي راح تتطورين وتتحسنين مع الممارسه والتدريب

مساء النور والسرور تلخيص مشكلتك هو انك تعطين اهتمام كبير لكلام الناس وتخافين من الانتقادات...

صن بايتس :

بنتك اول حفيده ؟ الموضوع يمكن عشانها اول بنت لك مركزين عليك التوجيه مدري عندك غيرها او لا وبعدين خلاص اذا كثروا عيالك يخفون عنك بكثر الحكي والكلام اما تدقيقهم عليك خذي اللي يفيدك وطنشي واذا انتي راعية اسأله وش اسوي وش اعمل وكيف اتصرف و وش الصح اذا هذا طبع فيك غيري عشان لايحسون انك قليلة دبره ومن هالاساس يوجوهونك بس لايكون هم كبير عليك كلنا ترى واجهنا نقد اعتقد اغلبنا

بنتك اول حفيده ؟ الموضوع يمكن عشانها اول بنت لك مركزين عليك التوجيه مدري عندك غيرها او لا...