احتاج نصايحكم أرجوكم

السلام عليكم وعيدكم مبارك 🌹
ابي اسالكم لو كُنتُم بمكاني ووش التصرف الي بتتاخذونه كل وحده تحط نفسها مكاني وتجاوب
زوجي قبل يتزوج كان مجنن أهله ووقتها نفسيته تعبت ودخل المستشفى لئن جاه انهيار عصبي طبعا أهله زوجوه عشان يعقل ووللاسف والله م دريت عن حالته الا بعد الزواج طبعا من اول سنه راح تعالج بالطب النفسي وكان يستخدم علاج والحمدلله تحسنن بشكل كبير حتى نفسيته تعدلت وبالدوام تغيرر وتغيرته نظرته للحياة حمدت ربي الي أعطاني على قد نيتي الين هنا كانت ماشية امورنا أهل زوجي يوم شافوه تعدل بدل م يحمدون ربهم بدت الغيره تدخل بقلوبهم وصارو يدققون على كل حركة منه حتى لو شال عياله او ساعدني بشي بقوه يتنكدون الزبده بعد ماكانًو اول الزواج يشفقون عليه صارو حاقدين بشكل مو طبيعي المهم علاقتي قطعتها فيهم ووقتها ام زوجي حالفه تزوجه والله مقهورة ولدهم صبرت عليه وتعدل والحين تبي تزوجه طبعا صبرت على نكدهم ٤ سنوات بعدها م تحملت وقطعتهم مره وحده الا زوجي يروح لهم حتى بالأعياد انا أعيد لوحدي وهو يسافر لهم
نجي لزوجي يوم صارت المشاكل مع أهله للامانه لا وقف معي او معهم ارسلت له اخته امي تبي تتزوجك حرمة سنعة وتعوضك. رد عليها مستحيل اتزوج زوجتي م شفت منها الا كل خير. فقط مارد على السب والحش فيني وانتهى الموظوع المشكله يابنات بعد سنتين من مشكلتي مع أهله فجاه تغير وصار نكدي وبس يتكلم عليه متخيلين يصحى من النوم يدور مشكله يعني عادي يصحى يروح يشوف فوق الدواليب لو فيه غبره يكسر الدنيا ويسب صار يطري الطلاق على كل مشكله تسلف مبلغ كبير بداية الزواج مني وكان دايم يقول وقفاتك مستحيل أنساها الحين يقول والله لو كلمتي اهلك عن موطوع السلف ورقتك توصل خلال يوم ولو كلمتي اهلك عن مشاكلنا طلاق علطول صار يدقق حتى على كلامي يقول م تعرفين تتكلمين ايي كمان بيقنعني اني مريضه نفسيا متخيلين يقول بس روحي اكشفي طبعا يتنرفرززعلى اَي طلب حتى المشاوير والمستشفيات احيان يقول يله انا بالسيارة اذا طلعنا وركبنا. يقول يله انزلو ويحلس معصب طبعا يطلع له شي قديم ويتكلم عنه انا جربت معه التطنيش وجربت ارد عليه ماتغيرمتخيلين يقول مبغا اشوفك جالسه قومي اشتغلي يبغاني احذف السناب وكم مره يطلب يشوف مين ضايفه طبعا جوالي رفضت اعطيه اياه شال يده من المصروف مايعطيني حتى للعيد وأي غلطة يسوونها عيالي علطول يتهمني متخيلين اعطتني امي فلوس واشتريت خلاط وانكسر يقول اخذتيه بدون نفس رغم انه قرا التعليقات عليه محد يمدحه ويقول عادي ادا تبغين الطلاق ماعندي مشكله بس بدون م تطلعين عيوبي 🤕الحين م عندي وقت الا اسبوعين محتارة وودي أكلم ابوي لئني والله تعبت وخايفه على نفسي من الضغط والامراض وبنفس الوقت ماودي أهله يفرحون ويتشمتوون
امانة لو كُنتُم مكاني ايش التصرف الي تتخذونه وأتمنى ماتجي وحده تقول زوجك ناقصه شي عشان كذا يتصرف معك كذا ابدن مو ناقصه حتى هو يوم يروق يقول كانت قافله معي وطلعت حرتي فيك😩