احتاج نصايحكم باسرع وقت

انا نزلت مشكلتي هنا قبل كذا وقلت لكم اني انخطبت لشخص واكتشفت انه يخوني ويكذب علي ومع كذا انا تزوجته لاني انجبرت اوافق بسبب ابوي كنت ابي افسخ الخطوبة بس ما قدرت مو لاني متعلقة فيه بس لان اهلي وخاصة ابوي ضغط علي ولسانه كان سليط وما كان يعطيني مصروف كنت عايشة بضغط نفسي وابي اي طريقة اطلع فيها من البيت كنت اتمنى اكمل دراستي بس ابوي كان يستهزئ فيني ويقول كمليها مع امك بدار المسنين كأنه يشوف مستقبلي شيء تافه بالنهاية خلاص استسلمت وتزوجتبعد الزواج زوجي ما قصر معي ماديا كان يعطيني فلوس بدون ما اطلب عطاني ١٠٠ الف وذهب وتذاكر سفر عشان اسافر واغير جو معه لانه يشوفني طول الوقت متضايقه وحاس بظروف اهلي حتى لما كنت اطلب منه شيء ما يرفض اي شيء ابيه يعطيني بس انا ما اثق فيه ودايما احس انه يكذب علي مثل ايام الخطوبة وصرت افتش جواله وادقق بتصرفاته وادور اي غلط عليه كنت متوترة طول الوقت واذا صار بيننا نقاش حتى لو بسيط اكبره بس هو كان يتعامل معي بهدوء وما يرد علي الا بكل برود يمكن لانه عارف نفسه انه ضرني كثيييروالسالفه الي قهرتني وذبحتني يابنات قبل ٤ ايام كنت عند اهله وامه سالتني عن نحافتي قلت لها اني حامل بالشهر الاول وردت علي باسلوب مستفز وقدام خواتها وبناتها وقالت احنا حملنا وجبنا وما صار فينا كذا قلت لها بهدوء كل وحدة جسمها يختلف وانتوا كبار السن تحبو الميتنات بس واضح انها ما تقبلت كلامي وراحت زودت السالفة عند زوجي وغيرت كلامي بالكامل لما رجعنا البيت كان ساكت طول الطريق دخلنا البيت مسك يدي بقوة وقال اامي ليه تغلطي عليها ما اسمح لك تقللين ادبك عليها هنا خلاص انفجرت قلت له اني ما قلت شيء غلط وانها هي اللي استفزتني بس رفض يصدقني حتى اني حلفت له اكثر من مرة وبرضو كان يشوف كلامي كذب كنت مصدومة من ردة فعله وكيف انه اخذ موقف امه ضدي بدون حتى ما يسمع مني😭😭😭😢 حاولت ادافع عن نفسي وابعد يده عني بس ما رضى وبلحظة غضب دفني بقوة على الكنب كنت مصدومة واحاول استوعب اللي صار انا حامل والمفروض يخاف علي بس واضح انه مو فارق معه جلست ابكي وما قدرت اتكلم وهو طلع وتركني لحالي كنت طول الليل افكر هذا الشخص اللي تزوجته وانجبرت عليه والوم نفسي والوم اهلي بكل شيء صرت احس اني ضايعة وتعبت نفسيا مو قادرة اتقبل حياتي معه لان من البداية اخذته وانا مو راضية ولا مقتنعة فيه احس اني متشتتة وما ادري وش ابي ودايما الوم ابوي واهلي على اللي صاير لي لو ما ضغطوا علي يمكن حياتي كانت غير الحين ما ادري كيف اتعامل مع الوضع ولا وش مفروض اسوي انا الحين عند اهلي ويشهد الله انام على هم واصحى على هم ندمانه اني تسرعت لكن ابووي ماكان لي السند بالعكس كان يشوفني عاله عليه ويقولي طقيتي ثلاثين من يبيك !!! مستوعبين كلامهه معييي كيف ماني قادره اتخطى ولا انسى كل الي انا فيه احتاج نصايحكم انا حالياً عند اهلي واهلي ضرووفهم صعبه جدا جدا ابوي ماعاد يصرف على خواتي والبنات يحتاجو اغراض ومصاريف ومستلزمات شخصييه تصدقون طول الشهور الي راحت انا اصرف عليهم وعلى امي
اسفه موضوعي متشعب وكل شوي ادخل بسالفه لكن ضايعه مره ومادري كيف افكررر