احتاج نصايحكم وتجاربكم

السلام عليكم
اول مره ادخل واشارك واتشرف بذلك
انا ياخواتي قصتي طويله مدري من فين ابدا لكم
انا متزوجه من 16 سنه وكنت بدايه زواجي خجوله وخايفه من كل شي لاني صغيره المهم من اول كم شهر تزوجت وزوجي يكرر موضوع ابتزوج ابتزوج وكل مره يقول هالكلام اطنش او اتجاهله ع اساس يمزح ،ومن رمضان الي فات بدا يتغير عليه ويخلق مشاكل ويسبني ويحط اني سويت اشياء ماسويتها
وبرمضان صار نقاش بيينا ع الضيوف وعصب وقال الله يلعن امي وابوي ان ماتزوجت عليك بشهر 12 قلت طز روح اصلا ازعجتني بذا الموضوع، وتراضينا ونسيت الموضوع بس هو متغير ويحاول يسوي معي مشاكل وعدت الايام وبالصدفه اكتشفت انو قاعد يشتغل بالبيت ويجهزه وراح يخطب بنت عمه ورفضته وماعلمني عيشني بحيره وتعب نفسي وهو يطقطق مو راضي يقول الصدق وبعدها راح يدور قال مايهم ابي اي بنت بالدنيا اهم شي اتزوج وبس ،
وراح خطب بنت من جماعته وانا طبعا مو عارفه وصار عندنا زواج ولداخوه وحضرت والكل عارف الا انا احس الشي ذا جرحني ليه ماقالي ،خصوصا كلمته قبل كذا واساله ويعصب عليه يقول اي ابخطب وموعاجبك اطلعي من بيتي ، المهم بعدها بفتره لما خطب وتمت اموره وشافني مطنشه وساكته كل شوي يجي يسالني ليه مانتي زعلانه وانا خايف تخلعيني ومستغرب مني قلت عادي روح تزوج الخساير عليك موعليه بعدين جاني ويكلمني ويقول انا اخذت بنت اقل منك وانتي احسن منها وقعد يبرر قلت مايهمني عادي ان لقيت زينه خذها قال خايف ع مشاعرك هههههههالمهم طلبته رضاوه وسياره ووافق وراح ملك عليها وانا رحت لاهلي ولما خلص العشاء اتصل بي والله شوي ويبكي مدري ليه وقلت له مبروك وقام يبررلي وانو انا احبك واعزك وانتي غير ومن هالخرابيط الي ماتودي ولاتجيب هههههه اليوم الثاني جاني وبعدها بيومين راح وتزوج وجلس اسبوع حتى اتصال او رساله مارسل وماسال عن عياله بس دق يسالني عن وظيفتي طلع اسمي اولا وقفل الخط ههههههه
وطنشته خليته 10 ايام وبعدها جاني ويقول ماهي ليلتك اليوم طبعا عامل جدول وماشي عليه واللي تمشي تضيع ليلتها ههههههه ليله مقدسه وعيشني بقهر وحسره وتعبت اروح واجي لاهلي سفر وارجع عشان ليلتي ماتضيغ وانافس وكلمته ورفض واكشخ وذبحت نفسي ابغا ارضيه وعطاني جوي يمدحني اني احلى منها واحسن وصدقته هههههه وبيوم فتحت جواله وانصدمت صدمه عمري من الحب والغزل اللي بينهم وجراءه البنت مو طبيعيه كلامها مره فضيع بس كبيره مو صغيره عمرها 29 وهو اول عريس يجيها مو مصدقه وكان يكلمها اول ماخطبها حتى قبل يملك عليها وبينهم كلاام جراءه وعفته وطنشته ومن بعدها سحبت وصرت امشي واطنش ليالي ماتهمني الحين احس كارهته مو طايقته بالقوه اجامله صراحه مايقصر مع اطفاله بس لسانه وصخ ولازم يسب اعتذر عن الاطاله بس ابي مشورتكم ورايكم احس قلبي نار وماني طايقته نسيت اقولكم من قبل تكمل شهر تراجع تبي تحمل عندها تكيسات ومشاكل هههه