احتاج نصيحة

صباحكم كله خير بدخل بلموضوع على طول
أنا بنت مثل غيري من البنات تحلم انها تتزوج وتعيل ويكون لها أسره كنت دايما أسمع أطراء واعجاب من جميع الاعمار لدرجة انه في فترة دخل في قلبي الكبر والغرور وكنت اشوف نظرة الاعجاب في اللي حولي وبعضهم ودهم يخطبون واشوف بنظراتهم هالشي
بس مااعرف ايش اللي جالس يمنعهم والله ثم والله ثم والله ماينقصني اي شي بشهادة الجميع تخرجت من الثانوي بعض صديقاتي تزوجو قلت ماعلية انا توني صغيره هم اللي تزوجو بدري أنا صح وهم غلط بعدها فتره درست الجامعة وتخرجت ومازلت اشوف نظرات الأعجاب ومازلت استغرب !!!!!! قلت يالله أن شالله انخطب بهالفتره عدت هالفترة وعدى عمري وانا مو قاعدة استوعب اني قاعدة اكبر ومحد طق بابي واقول انا شلون الناس تعرفني أهلي مالهم أي اختلاط ماما انطوائية وماتبي تطلع للناس ومره قالت لي صاحبتي ذكرتك لعايلة الفلان وخذو رقم امك وكنت انتظر وانتظر وكل مره اطالع جوال ماما بس بدون اي فايدة صرت استحي اقول عمري صرت احاول اسلي نفسي باي شي انا تعبت نفسيتي انا موب عارفه ليه الدنيا تتسكر بوجهي والله ماسويت شي بحياتي يغضب ربي رزقي كله متوقف ومااعرف ليه
لاأحد يقولي خطابه لان مستحيل ارضى وهالعادات ماهي عندنا وامي انطوائية ومنعزله وانا خلصت الجامعة حاولت اتوظف بدون جدوى قلت اختلط بالناس لعل وعسى ولكن بدون جدوى حاولت اطلع لناس اشوف نظرات اعجاب بس مااشوف اي فعل ..
احتاج دعوة واحتاج نصيحه ..