احتاج نصيحتكم ومشورتكم الله يجزاكم الجنه

السلام عليكم ورحمة الله وبركاته
اول مره اكتب موضوع ومو عارفه هذا مكانه الصح او لا
بس بقول اللي اللي عندي
انا متزوجه من 3سنين تقريباً وعندي بنوته وزوجي رجال طييييب وحنون الله يحفظه
مشكلتي اني من بعد الزواج صايره حسااااااااسه وبكاااايه وزعوله بالرغم ان هذي مو شخصيتي بس بقولكم على الأشياء اللي من فتره تقريبا وهيه تعكر لي مزاجي وجوي مع ابو الشباب..
هوه يحافظ على صلاته الحمدلله لكن ما اتذكر من لما تزوجنا انه لحق تكبيرة الإحرام في المسجد بالرغم ان المسجد قريب مررررره ولا يتوضاء الا لما يقيم هالشي صار يضايقني كثييييير وانا ماعندي اُسلوب في النصيحه🙈 عشان لا احد يقول انصحيه 
كمان من لما تزوجنا ترك الأغاني الحمدلله  والى الحين مارجع لها لكن اول لما يفتح مقاطع يوتيوب او عالانستقرام وفيها موسيقى يقصر الصوت الحين لا مقهوررررره ليش تغير وكمان فيه عنده قروبات في الواتس يرسلون مقاطع مو كويسه هالشي من فتره قريبه صار بزيااااااده لما صوت البنات اللي في هالمقاطع وهوه يشغلها أزعل من داخلي لأَنِّي احببببه وما ودي عيونه تشوف أشياء حراااااام
..
وفيه حاجه كمان كملت الناقص اللي هيه اني من لما جبت بنوتتنا وحياتنا تغيرت كثييييير ادري انه يحبني بس جلستنا مع بعض وعلاقتنا الخاصة وطلعتنا كل هالأشياء فقدتها لاتقولون نظمي وقت نومها لان نظام حياتنا ما يساعد هوه يطّلع وما يرجع بدري يعني وقت نومها هوه عنده ارتباطاته برى البيت ولما تصحى يكون صار وقت نومه هوه لان بنتي ماتنام قبل 2الليل حاولت اعدل نومها لكن مافيه فايده
كمان مضغوطه من شغل البيت مع مسؤليتي الجديده اللي هيه بنتي احس اني تعببببببت ونفسيتي صايره مو تمام 
حتى ما فيه وقت عشان اهتم بنفسي هالشي لوحده يقلب مزاجي 180 درجه لأَنِّي متعودة اهتم لان هالشي يزيد ثقتي بنفسي
المختصر من هالكلام كله ان كل هالأشياء سوت حاجز بيني وبين زوجي انا احبه وما ودي ان نفسيتي اللي صايره متقلبه وتضخيمي للامور هذا اذا كنت اضخمها وحساسيتي الزاااايده تخرب عليه حياتي
انصحوني الله يدخلكم الجنه من غير حساب ولا سابق عذاب كيف اتصرف وايش أسوي 😘😘😘😘والله يعطيكم العافيه


ادري الكلام مو مرتب بس من كثر الكلام اللي في خاطري مو عارفه ايش اكتب وايش اخلي