احتاج نصييييحه ربي يجزيكم الجنه ......

السلام عليكم ورحمه الله وبركاته بنات انا بكتب لكم عن موضوع الي طوول فتره زواجي اعاني منه وتقريبا كل المشاكل الي تصير بيني وبين زوجي بسبب هالموضوع السالفه ومافيها متزوجه من عشر سنوات تقريبا المهم اني اول ماتزوجت وقبل لااتزوجه شرطت بيت لحالي ولاكن تنازلت بفتره الملكه لظروفه وظروف اهله لان اهله كانو معتمدين عليه بكل شي وهو كان الوحيد بين اخوانه موظف ويصرف على البيت من مقاضي وايجار شقه ....الخ وقلت حرام اقطع رزقهم وتحملت وتزوجنا وسكنت مع اهله امه واخته واخوانه الثلاثه حياااتي بالاول كانت مااشيه والحمدالله صحيح اني ماكنت ماخذه راحتي وطلبت من زوجي بيت مستقل ولاكن كان يقولي امي واخواني وين اوديهم ارميهم بالشارع وكنت اسكت واتحمل واستمرت حياتي معهم على هالحال مرت السنين وتوظف اخوه وتزوج وطلع من البيت واخته واخوانه الباقين نفس الشي تزوجوا وطلعوا من البيت وقلت الحمدالله بستقل وباخذراحتي في البيت مو كرها فيهم لا والله بالعكس اعتبرهم زي اخواني واقدرهم اكثر من ماهم يقدروني مابقى فالبيت غير ام زوجي معي بالشقه.... المشكله مو هنا المشكله ان ام زوجي تعتبر هالشقه الي ساكنين فيها شقتها وانو بيت العايله وحريم عيالها نفس الشي لمن يجو عندي على بالهم انه بيت اللكل ولهم فيه زي مالي وياخذون راحتهم فييه ع الاخر مع ان زوجي هو الي يصرف وهو الي يدفع اجار الشقه ... الخ وانا بتصرفاتهم هذي اتضاااايق صراحه واروح اتمشكل مع زوجي ليش ماسكني فبيت مستقل من البدايه وماخفيييكم اني خاايفه اخرب حياتي بيوم من الايام بسبب ذا الموضوع وام زوجي الله يهديها كمان مو بصفي بالعكس تستانس انهم يحسبو لها حسااب فالبييت المشكله انها تحسب البيت بيييتها وكل شي فيه ملكها وانا ولا شي مع العلم اني اول ماسكنت البيت سكنت على اساس انه بيتي وانهم ضيوف عندي بس لمن سكنت اختلف الكلام وذا الشي بصراحه يضايقني واعتقد انه حق من حقوقي ومن ابسطها اني احس بستقلاليتي فبيتي انا ماقلت مابغاها فالبيت بالعكس بيت ولدها وعادي تعتبره بيتها بس مو لذي الدرجه انها تهمشني ولا تعتبرني انا تعبببت صرااااحه ونفسي استغل فبيت لوحدي يعني اذا جو عندي سلفاتي يحسبو لي حساااب مو يجو البيت وكان مالي كلمه فيييه واذا يبو يسو شي يستاذنوا من ام زوجي وانا ولاكان لي وجوود تعبت يابنااااات والله تعبببت انصحوني تكفووون هل الي جالسه اسويه صح او غلط وايش اسوي اصر على زوجي يجب لي بيت غصبا عنه مع العلم انه مو مقصر بشي فيني وطلباتي يمجابه او اسكت واتحمل ارشدووني تكفوون ابغى احد ينصحني ويوجهني احس اني بخرب بيتي بنفسي ساعات اتعوذ من ابليس واوقول بسكت وبتحمل لاكن ماااقدر مادري ايش الي يصير لي احس ان من حقي استغل في بيتي مثلي مثلهم احس اني ناااقصه عنهم واحس ان مالي حق في هالبيت وانه بيت ام زوجي وهالشي يحسسني بالنقص مع انه المفروض بيتي بحكم انه زوجي الي يدفع ايجار الشقه لو قلنا بيت ملك قلت معليش لاكن شقه ايجار وحاطين دوبهم دووبي تعبت والله تعبيت انصحوني ربي يجزيكم الجنه وان شاءالله راح اعمل بنصايحكم وشكرا