احتجت اكلمكم واشتقت لكم

شلونكم اخواتي الغاليات

اول شي ابيكم تسامحوني لاني انقطعت عنكم وما عدت اشارك بس صدقوني اطل عليكم وادعي لكم دايما

الله يرزقكم باللي في بالكم يا رب كلكم بدون استثناء

بيوم اللي عرفت عن وفاة اختنا يا ربي شكثر اعاني الله يرحمها ويغمد روحها الجنة يا رب تغيرت حياتي

زهدت كل شي في الدنيا خصوصا وانا دايما افكر في الموت وبيوم القيامة ودايما اسأل نفسي انا ليش

ابي فرن وانا بيجي لي بموت عنه وليش ابي غرفة مبنية بطوف مو خشب وانا ما بجلس فيها على

طول وافكر دوم بشكل بيتي في الجنة ان شاء الله..

لكن الحين ما عدت ابي شي .. حتى التفكير في الحمل عندي تغير ما صرت افكر في الموضوع مثل اول

قبل وفاتها الله يرحمها .. بيوم .. كنت اسمع سورة البقرة لاني منزلتها على الجهاز اسمعها وانا اشتغل

ورد زوجي من شغله ولقاني اسمعها وقال لي لا تفكرين بشي .. على باله اني كنت مهمومة قلت والله

ما افكر بس علشان البركة

واللي صار ان زوجي جاني من نفسه وقال لي بقطع السجاير خلاص على الرغم من اني تعبت وانا

احاول معاه وانصحه وفي نفس الوقت الدورة متأخرة علي 3 أيام لاول مرة في حياتي بس انا ما ابي

اسوي تحليل لاني ما ابي اعطيه امل

سامحوني على هذرتي ادري كلامي مشتت ومو عارفة شقول بس اشتقت لكم وحبيت اكلمكم

ادعو لاخواتنا في الله يا ربي شكثر اعاني ودلال الكويتية بالرحمة والمغفرة