احترامي وسلامي لكل من سأل عني ..قصتي بالداخل

فديت عمركم وحده وحده واسفة على عدم كتابة اسمائكم وقريت رددودكم كلها.. تسلمون والله...
كل الاسئله هذي عني ربي يبارك فيكم ويحفظكم والله فيكم الخير والله يوم قريت ردودكم بغيت
ابكي ما تحملت سبحان الله انتوا فعلا حاسين فيني بالوقت اللي اقرب الناس لي ماهم بحاسين
ولا يواسوني حتى
بكلمه صغيرة تهديني وتريحني ...لكن الحمد لله مسلمه امري لله ودام ان في هالدنيا في ناس
طيبين وعندهم احساس ومشاعر مثلكم...يعني الدنيا لسه بخير...عموما
تسلمون يا الغاليات سوف اخبركم قصتي بس ما اني عارفة من وين ابد
أ بسم الله الرحمن الرحيم
.قررت و اتفقت مع ابو العيال على الاكتفاء من الانجاب لاني تعبت كثير وصار عندنا عيله من
العيال ( تكرارالحمل والولادة من يوم تزوجنا)وقلت له صاروقت الراحة والاهتمام بنفسي
وفيك وبالعيال من كثرالمسؤوليات والواجبات التي تترتب علينا تجاه الاطفال من صراخ وتعصيب
ومشاكل وقبل كل حمل اقوله نفس الكلام واوصفله مدى تعبي وخاصة وان حملي ووحامي
مووووت والله اتعب كثير كثيربشكل يصعب علي وصفه... وفي نفس الشهر....وسبحان الله
شاء القدر ومن غير سابق ترتيب او تخطيط صار اللي الله مقدره وحملت وانا ماني مصدقه !!!
انصدمت لكني رضيت بالمقسوم وقلت الله كاتبه لي خلاص ما في مهرب او حل..شي وصار..
بس كنت ضايعه بين اريده وما اريده في نفس الوقت ..وبدأت رحلة العذاب مع الوحام
والاستفراغ والمراجعات وانا اصلا عندي عيال في البيت وما عندنا حد يشوفهم ابد والشي
هذا كان يزيد من تعبي .... في يوم موعدي الدوري للحمل وبعد ترددي من الزيارة رحت
وانا في الاسبوع ال35 من الحمل,, قلت للدكتوره::: اشعر باني خفيفة جدا وبطني مره صغير
واحس بشئ ما اعرف شنو لكن دايما متلخبط حالي ..سكتت وشافتني
قالت :فعلا بطنك صغير ليه انتي مانك متأكدة من تاريخ الحمل ؟؟
قلت : بلى بس ما اعرف الكلام داه قلته لكل دكتورة في كل عياده اروح لها بس الكل اجمعوا
على انه شئ طبيعي..
قالت طيب خلنا نسولك صوره ونشوف شو السالفه ...وطبعا رحت وسويت وبعد طول انتظار
دخلتني عندها قالت:شوفي البيبي صغير مره وهو انتي نزل منك الماي اللي حول الجنين؟؟؟؟
قلت لها: لا ابدا!!!! وكيف ينزل وما احس فيه !!!معقوله!!!
قالت: طيب احتمال تنامين عندنا اليوم عشان نراقب حالة الجنين ويمكن نولدك وبعمليه لان
الرحم اصلا ماهو فاتح وماهو بوقته ومستحيل ننتظر الى ان يفتح ووضع الجنين الصحي
ما يسمح ويتحمل المجهود اللي بينطلب منك اثناء الولادة الطبيعيه..
قلت طيب بس خلني اروح البيت اجهز اموري وارتب غراضي واعطي الاوامر للعيال وحطهم
بالجوعشان ما يخافون
قالت :::لا لا لا ممنوع ابدا لا تفكرين تغادرين لان البيبي وانتي في حالة خطرة جدا ممكن
يتوفى في بطنك وطبعا بيشكل خطر عليكي من غير ما تشعرين وتفقدينه في أي لحظه
لانه ما عنده ماي ولا اوكسجين ولا فيه شدة اصلا وهو كيف عايش لغاية الحين(سبحان الله)..
وكلت امري لله وبيني وبينكم فرحت مره وزعلت مره .
فرحت::لاني لحقت عليه وقلت ان شاء الله بيولد وبعد كل هالتعب راح اشوفه والمسه واشيله
وحطه على صدري المهم يعيش ومستعده للعمليه وباي شكل من الاشكال المهم انه ينولد
ويعيش حتى ولو اموت انا ماني مهتمة.
وزعلت مره لانهم خوفوني عليه وقالوا لازمه حضانه وهنا ما في مكان من زحمة الاطفال الخدج
(فعلا كثيرين الخدج في هالايام )وكنت خايفه يكون فيه شي ماهو بطبيعي من كثرالتصوير اللي
سوه لي( وجاني احساس بالفعل بان فيه شي ماهو بطبيعي).. وبعد طول سيرة وتنسيق
المهم حلينا المشكلة هذه لكن انا والله على اعصابي وضايعه ماني عارفه كيف اتصرف وعند
منو اسير وششو اعمل جلست انا وزوجي بالمستشفى حائرين والخوف من
كل النواحي مسيطر علينا .. قلت له: اتوكل عاالله وخذ ولدي الصغير وسيرالبيت ترى العيال
بروحهم وما يدرون بشي
ولو تدرون كيف كانت اعصابنا والله ما تنوصف... جا الليل وما قدرت انام من التفكير وصار الصبح
وقمت توضيت وصليت ودعيت وجات الممرضة وسحبوني وماني عارفه وش بيسون فيني
( اول مره اتعرض لهالحالة) وجات دكتورة وكشفت ودكتورة ثانية وثالثة قلت لهم: يا ناس علموني
وش السالفة انا شنو فيني خبروني حتى لو الطفل ميت او مشوه أي شي أي شي المهم
ريحوني اعصابي تلفت وانا ما نمت كل الليل وميته من الخوف ويقولون خير خير ما في شي
قلت: خلاص اتوكلوا عالله انا جاهزه ومن امس ماني ماكله!!!دقيت
على بو العيال وخبرته وطبعا نوموني عالسرير وسحبوني وزوجي وصل في اخر لحظة وكان يدعيلي
وقبل ما ادخل في اخر