السلام عليكم ورحمة الله و بركاته
هذا أول موضوع لي بهالقسم وما تمنيت إنه يكون موضوع خارج بسبب ضيق لكن للاسف هذا لي صار :)
أنا مو جايه أشكي نفسي، ولا حياتي، ولا أهلي، ولا زوجي، ولا أهل زوجي
جايه أشكي بعض العقول ( الرجعيه ) هنا للأسف :)
من فتره وحده نزلت موضوع ذكرت فيه عادات بعض العوائل ( بطون تخصيص قبيله أو منطقه ) في كون أهل العروسه ما يحضرون زواجها ويعتبر عيب وبعضهم له اعتبارات ثانيه مو مهم
المهم الردود، فيه ناس الله يهديها قامت تقلل من قيمة هالشي! لا وتتفشخر بكلمة ( الحمدلله اني مو كذا الا اهلي حضروا كلهم و ساندوني والخ) واللي تقول الحمدلله حنا اندثرت عندنا طيب ليه؟ محد سألكم عن رأيكم إذا يغيرون هالعاده أولا لا ! ، واللي عادة أهلها كذا مو ذنبها تجي تقرا منكم هالكلام ترى و يجرحها
كثير مننا يعرف إنه العادات و التقاليد مو بيد أحد وأصلا يعتبر عيب عند العائله إن هالشخص ما التزم فيها و يمكن ينبذ كمان تعرفون الله يهديهم البعض يتمسك فيها أكثر من تمسكه بالحلال و الحرام ! وهذا شي ما بيطنا تغييره خاصه إنه بيد شيباننا
و من كم سوم وحده نزلت موضوع تستفسر عن اللي مثل عادات أهلهم الزواج ع أهل البنت تبي شور بطريقتهم في تنسيق زواج أختها
طيب الناس اللي جايه تتريق على هالعاده ليه؟ عيب ترى! أنا xxxxxx وعادتنا كذا وانجرحت من كلام البعض! أجل وحده تقول كمان إنه أبوها لما قالها اسوي لك زواج رفضت تقول بحس مأنهم بايعيني؟ يعني قصدك إن أهلنا بايعيننا؟ ترانا طالعين معززين مكرمين
ايه يا كل وحده تريقت على هالعاده هذي عادتنا وش نسوي عاد! يجي أبوي فجأه لزوجي ويقوله انت شيل الزواج لأني مو مقتنع بعادتنا؟ طيب كل أهلي و عماتي السبعه و خوالي و جداني و اهل زوجي اللي ما يقربون لي و مل نسايبنا هذي عاداتهم وهذا شي خارج عن ارادتنا كان المفترض من مل وحده تدخل الموضوع تحترم هذا الشي طالما ما فيه عيب ولا حرام واذا انتي شايفه ان هالعاده غلط ولا اقتنعتي فيها ترى محد بيحاسبك إنك دخلتي على الموضوع ولا رديتي أصلا البنت طلبت اللي عادتهم كذا وكان واضح بالعنوان و طلبت مساعده في التنسيق يعني كل شي كان واضح ما كانت تبي ردود من هالشكل
بالأخير سواء هالعاده هذي أو عادة عدم حضور أهل العروسه أو أي عاده ثانيه توراثتها العوائل طالما محد طلب رأيك ولا بيدك تغيري بالموضوع رحاء احترمي هالشي ولا له داعي التجريح و حطي نفسك بموقف الطرف الآخر و ش قد بتجرحينه بكلامك قبل تكتبين اي حرف
مثل ما أنتي تشوفين فيه عاطات غريبه عند البعض بالمقابل هم يشوفون عندك عادات غريبه
ف خلونا نحترم غيرنا علشان غيرنا يحترمنا :)
وسلامتكم :)
Om Dhai @om_dhai
عضوة فعالة
يلزم عليك تسجيل الدخول أولًا لكتابة تعليق.
موضوعك رائع
بس البنات أتوقع ردودهم عن حسن نية خصوصا اذا بعض العادات غريبة شوي مثل الي ما يحضرون الزواج!
بس أنا معك بنقطة الي تقول احس انهم بايعيني او انه معناتها ما ساندوني..هذا أكبر خطأ لأنا هنا ما نتكلم عن حالة فردية عشان نظن فيهم كذ..هذي عادة مجتمع كامل.
بس البنات أتوقع ردودهم عن حسن نية خصوصا اذا بعض العادات غريبة شوي مثل الي ما يحضرون الزواج!
بس أنا معك بنقطة الي تقول احس انهم بايعيني او انه معناتها ما ساندوني..هذا أكبر خطأ لأنا هنا ما نتكلم عن حالة فردية عشان نظن فيهم كذ..هذي عادة مجتمع كامل.
more
•
نفس الشي عندنا عادات غريبة في ديرتي دي اغيرها
لكن ما بستسلم ببدأ بنفسي وبأولادي واعراسهم ان شاء الله
والناس بتقلدني
لان الكل متضايق لكن ما يخطوا خطوة
لكن ما بستسلم ببدأ بنفسي وبأولادي واعراسهم ان شاء الله
والناس بتقلدني
لان الكل متضايق لكن ما يخطوا خطوة
انمار444
•
صح كلامك امكن البنات استغربو الزواج يكون ع اهل البنت وترى تو اسمعها منك ...لكن البنت غلط عليها تستشير البنات او تقولولهم عن هذي العاده ومن حقهم يقولون رايهم خلاص طالما هي عاده وماتقدرين تغيرينها ليش تاخذين رأي البنات!!
وفي كل ديره عادات غريبه ...
لكن الحمدالله مع الجيل الحالي تغير كل شي عندنا ..
لكن اذا وصلت ان الوحده تجرح وتقلل فااعتبرها قليلة ادب مالها داعي ..يعني مسويه فيها مااحد قدي روحي ياشيخه بلاش هياط...
....
وفي كل ديره عادات غريبه ...
لكن الحمدالله مع الجيل الحالي تغير كل شي عندنا ..
لكن اذا وصلت ان الوحده تجرح وتقلل فااعتبرها قليلة ادب مالها داعي ..يعني مسويه فيها مااحد قدي روحي ياشيخه بلاش هياط...
....
الصفحة الأخيرة
وكانت المواضيع اللي تحدثت عنها ف هذاك القسم :)
صحيح تضايقت من نقل الموضوع لأني حبيت إنه يوصل للبنات أصحاب هالتفكير في هذاك القسم
بس ما عليه الاداره أدرى بعملها :)