Bant Lzeza @bant_lzeza
عضوة فعالة
احترت ارضي ابــــــــــوي والا زوجـــــي انصحوني
مساء/صباح الخير اكتبلكم وانا واثقه انكم بتساعدوني بعد الله انا في هم وحيره لايعلم فيها الا الله وعمري ماشكيت لاحد على اللي بخاطري عشان ماابغى احد ينظرلي نظرة شفقه انا بكرية اهلي وعمري 24سنه وهم باقي يعتبروني طفله المهم تخرجت وتوظفت ودايما يجوني خطاب وابوي يرفض بحجة الدراسه واول ماتخرجت انخطبت وابوي وافق عشان مافي عذرعنده واتزوجت بس زوجي وظيفته بالرياض واهلي واهل زوجي بمدينه ثانيه وانا وظيفتي بنفس مدينة اهلي وابوي شرط عليهم قبل الزواج اني مااطلع من مدينتنا يعني مااروح مع زوجي الرياض بوقتها زوجي وافق لانه كان عنده امل ينقل عندنا بس بعد الزواج رفضوا ينقلونه والحين هوعايش هناك وانا عايشه عند اهلي ويجي كل اسبوعين اربعاء وخميس والجمعه يسافر تخيلوا والله العظيم كاننا متزوجين مسيار والمشكله نفسياتنا مره تعبانه وملينا من هذي العيشه وهوصارمصمم انقل معاه وانا ودي اروح بس مااقدر ازعل اهلي ومااقدر اسوي شي بغير رضاهم ولما زوجي يزعل اقوله مااحد قالك توافق على هالشرط والمشكله كتبوه بصك العقد والله يابنات اني بحاله مايعلم فيها الاربي ابوي وامي نور عيني وكل دنيتي اخاف اسافرواخلي اهلي انا متعلقه فيهم مره والله وانا بشهر العسل كنت بتجنن الين رجعت وابوي تعب مره اقسم بالله اخوي دق عليه وقلي ابويه تعبان من يوم سافرتي والحين زوجي قطع قلبي يقول تعبت من الوحده انصحوني ايش اسوي انا تعبت ابغى اروح عند زوجي تكفون ابي حل يرضي الطرفين ابغى اعيش في استقرار ابي احس اني متزوجه فعلا ابي احس بمسؤليه والله اكتب ودمعي على خدي خلاص بنفجر من الوحده والفراغ اللي بتساعدني الله يرزقها ويسعدها ويحقق لها كل ماتتمنى انا بانتظاركم
30
4K
يلزم عليك تسجيل الدخول أولًا لكتابة تعليق.
انا من رايي تروحين مع زوجك
اهلك البدايه بيتعبون بعدين خلاص بيتعودون
ومدري هذا اللي اشوفه
وقبل هذا فهمي اهلك ان هذا زوجك ومن هالكلام يعني لاتروحين لين تحسينهم رضوا
وربي ييســر اموري وامورك
اهلك البدايه بيتعبون بعدين خلاص بيتعودون
ومدري هذا اللي اشوفه
وقبل هذا فهمي اهلك ان هذا زوجك ومن هالكلام يعني لاتروحين لين تحسينهم رضوا
وربي ييســر اموري وامورك
الله يكون في عونتس
انا من رايي الوحده تبع رجلها ولا وشوله اعرستي
انت حاولي تتسامحين من اهلتس وتروحين وبيني لهم ان الوضع هذا متعبتس
وعادي ان الاهل يتضايقون اول ماتبعد بنتهم عنهم
انا اهلي كلهم يكلموني ويصيحون ويوم رجعت لقيتهم ناحفين مره بس تعودوا هذي سنه الحياة
والحين صايره اهددهم اني بطلع بعثه اذا بدوا يتريقون علي
والله يجمعكم على خير
انا من رايي الوحده تبع رجلها ولا وشوله اعرستي
انت حاولي تتسامحين من اهلتس وتروحين وبيني لهم ان الوضع هذا متعبتس
وعادي ان الاهل يتضايقون اول ماتبعد بنتهم عنهم
انا اهلي كلهم يكلموني ويصيحون ويوم رجعت لقيتهم ناحفين مره بس تعودوا هذي سنه الحياة
والحين صايره اهددهم اني بطلع بعثه اذا بدوا يتريقون علي
والله يجمعكم على خير
أم قرموش
•
ياحليلك ذكرتينى بنفسي أنا متزوجه شهر 5 العام حلو واول ماتزوجت قال بنقل الرياض المهم زوجي من أهل إبها يشتغل بالوزارة وانا في أشتغل بالكليه في البدايه نفسيتى تبانه بس وش أسوي عصب الحين أنا حامل وحمدت ربي أني عن أهلى مشاكل حمل وخرابيط وحم فكرت شوي بوضعي قلت أحسلى أقدم ندب مو نقل واروح مع زوجي وهو الله يعينه يقدم على نقل إذا صار نصيب نرجع أنا وياة والحمدالله كيف لو انه رايح يحارب مع الحوثيين كم شهر وش بتسوين أعتبريه بدورة لاتضايقين نفسك لاحقه على الزوج بأذن الله وبعدين عيب تقولين مسيار وسعي صدري أذكر مرة قلتها هزئنى والحين جاء دورك انتى الله يوفقك يارب ويسعدك ويجمع بزوجك وأبوك مصيرة يتعود ماعاد فيه شي مستحيل الجوال فيه مرئي والكمبيوتر بعد بس لاتعودين زوجك لى بعدك ونتى مقتدرة شوفينى طول حياتي بالرياض والحين عشان تزوجت بروح الجنوب والله وعادي أهم شي أكون مرتاحه
الصفحة الأخيرة
ــ
اولا : عليك بالدعـــاء والإستغفار
ثانيا : اخلـي بنفســـك وفكري عن ماهي النتائج المترتبة عند بقائك عند أهلك وحتى عند قدوم اطفال هل ستستمرين على الوضع وتجلسين عند أهلك
ربما ذلك يؤدي إلـــى الطلاق لان الزوج لايحتمل ان تنشغل الزوجة عنه ساعة فقط
فكيف بك انتي لاترينه الا يومين بالأسبـوع
...