احترت اكتب او لا لكن ابي ارتاح 😞

السلام عليكم
بنات انا من بعد طلاقي انا صايره حساسه ودمعتي في جيبي
بالذات بالاشياء اللي احتاجها اشيل هم كيف اطلب مشاويري او كيف اطلب اي شي
المهم ان عندي جوال قديم مكسوره شاشته واحتجته ضروري وقلت لاخوي وده للمحل يغيرون شاشته
وداه وصلحه الله يجزاه خير
بس تأخر اليوم في النومه وماصحى الا بعد ماسكر المحل
وقام من النوم معصب وانا مدري وش السالفه 😭 وطلع طلعة ابو نص ساعه ورجع ، لما دخل البيت وانا جالسه بالصاله قلت بشر جبت معك الجوال قام عصب علي وقال انا صاحي متاخر وانتي وانتي 😭 ابتسمت عشان اهدي الامور وقلت ولايهمك انا مو مستعجله عليه 😞😞
ولما راح لغرفته فوق اسمع صوت صقعة الباب طااااااااااع
يابنات خنقتني العبره واحس اني جالسه اتعبر وعيوني مليانه دموع ودي ابكي 😞
اخوي هذا لما كان صغير كنت انا اللي البسه واروشه والعبه
والحين يوم كبر ليش يسوي فيني كذا 😭😭😭😭
بس ينتقدني وينتقد عيالي ومايشوفنا شي 💔
قلت لعيالي لحد يكلمه ولا يقرب منه ولايدخل غرفته واذا ناداكم سوو نفسكم ماتسمعون تحاشوه تماما
هو كويس بس مدري وش فيه علي 💔 والله العظيم وجهي منتفخ من تحجير الدموع 💔
المشكله الدراسه قربت ومحتاجه مشاوير كثير 💔
ااااااااه الله يسامحه ويرفع قدري ويجبر كسري انا وذريتي 💔💔